लायन्सका संस्थापक मेल्भिनको जन्म दिवसमा साताब्यापी कार्यक्रम

समाचार

गृहपृष्ठ
समाचार
लायन्सका संस्थापक मेल्भिनको जन्म दिवसमा साताब्यापी कार्यक्रम

लायन्सका संस्थापक मेल्भिनको जन्म दिवसमा साताब्यापी कार्यक्रम

मंगलबार, पुस २२, २०८२ बागेश्वरी पोस्ट

नेपालगन्ज । लायन्स क्लब इन्टरनेशनलका संस्थापक मेल्भिन जोन्सको जन्म दिवसको अवसरमा लायन्स क्लब इन्टरनेशनल डिष्ट्रिक ३२५ एनका क्लबहरुले साताव्यापी रुपमा विभिन्न कार्यक्रम आयोजना गर्ने भएका छन् । नेपालगन्जमा आज पत्रकार सम्मेलन गरी यसबारे जानकारी गराइएको हो ।

मेल्भिन जोन्सको १४७औं जन्म दिवसको अवसरमा पुस २३-२९ सम्म साताव्यापी कार्यक्रम हुनेछ । बुधबार विहान नेपालगन्जको सुर्खेत रोडमा एरिया नं. ४ का सम्पूर्ण क्लबले संयुक्त रुपमा सरसफाई गर्दै पञ्चेबाजासहित प्रभातफेरि गरेर सप्ताहब्यापी कार्यक्रमको सुरुवात गरिने डिष्ट्रिक्ट कोर्डिनेटर साबित्रा शर्माले बताइन् । लायन्स क्लबहरुले स्वास्थ्य शिविर, न्यानो कपडा वितरण, विद्यार्थीलाई शैक्षिक सामग्री र स्टेशनरी वितरण, आश्रमममा खाद्यान्न वितरण र भोजन खुवाउने लगायतका कार्यक्रम गरी २९ पुसमा द्वीप प्रज्वलन गरेर कार्यक्रमको समापन हुने शर्माले जानकारी दिइन् । पत्रकार सम्मेलनमा लायन्स क्लब इन्टरनेशनल डिष्ट्रिक ३२५ एनका डिष्ट्रिक गभर्नर ज्ञानेन्द्र श्रेष्ठ, पूर्व गभर्नर मुकुट ढकाल, नेपाल पत्रकार महासंघ बाँकेका अध्यक्ष नवीन गिरीले बोलेका थिए ।

प्रकाशित मिति: मंगलबार, पुस २२, २०८२ २०:२८

प्रतिक्रिया दिनुहोस्