लागू भयो निर्वाचन आचारसंहिता

राजनीति

गृहपृष्ठ
राजनीति
लागू भयो निर्वाचन आचारसंहिता

लागू भयो निर्वाचन आचारसंहिता

सोमबार, माघ ५, २०८२ बागेश्वरी पोस्ट

नेपालगन्ज । यहि माघ ११ गते तय भएको राष्ट्रिय सभा सदस्य निर्वाचन र आगामी फागुन २१ गते हुने प्रतिनिधिसभा सदस्य निर्वाचनलाई लक्षित गर्दै निर्वाचन आचारसंहिता लागू गरिएको छ ।

निर्वाचन आयोगले आइतबार मध्यरातदेखि आचारसंहिता कार्यान्वयनमा आएको जानकारी गराएको हो । यसअघि आयोगले माघ ३ गतेदेखि नै आचारसंहिता लागू गर्ने तयारी गरेको भए पनि औपचारिक रूपमा भने अहिलेबाट लागू गरिएको जनाएको छ ।

आयोगका अनुसार यो आचारसंहिता केन्द्रीयदेखि स्थानीय तह सम्मका सबै सरकारी कार्यालय, सार्वजनिक संस्थान, विश्वविद्यालय, विभिन्न सङ्घसंस्था तथा प्रतिष्ठानमा लागू हुनेछ ।

साथै, राजनीतिक दल र निर्वाचनमा सहभागी उम्मेदवारहरूलाई पनि आचारसंहिताको पालना अनिवार्य गरिएको छ ।

के गर्न पाइँदैन ?

सरकारी र सार्वजनिक निकायका लागि

सरकारी स्रोत, साधन (सवारी साधन, भवन आदि) कुनै पनि पक्षको प्रचारमा प्रयोग गर्न पाइँदैन ।

नयाँ पद सिर्जना गर्ने, नियुक्ति गर्ने, सरुवा वा बढुवा गर्न पाइँदैन । अत्यावश्यक हुँदा आयोगसँग अनुमति लिनुपर्छ ।

नयाँ योजनाको शिलान्यास गर्ने वा बजेट स्वीकृत नभएका नयाँ कार्यक्रम घोषणा गर्न पाइँदैन ।

राजनीतिक दल र उम्मेदवारका लागि

निर्वाचन प्रचार-प्रसार वा जुलुसमा बालबालिकालाई प्रयोग गर्न पूर्णतया निषेध छ ।

मतदातालाई लोभ्याउन भोजभतेर गर्न, नगद बाँड्न वा कुनै पनि प्रकारको उपहार दिन पाइँदैन ।

घर वा सार्वजनिक स्थानको भित्तामा रङले लेख्न वा पोस्टर टाँस्न पाइँदैन ।

मन्दिर, मस्जिद, गुम्बा, चर्च वा कुनै पनि धार्मिक स्थलमा निर्वाचन प्रचार गर्न पाइँदैन ।

निर्वाचनको क्रममा कुनै पनि प्रकारको हातहतियार प्रदर्शन वा प्रयोग गर्न पाइँदैन ।

सामाजिक सञ्जाल र सञ्चार माध्यमका लागि

कसैको चरित्र हत्या हुने गरी झुटो सूचना फैलाउन, मिथ्या सूचना दिन वा 'हेट स्पीच' दिन पाइँदैन ।

अरूको पोष्टमा नकारात्मक प्रतिक्रिया दिन वा अरूलाई अपमान गर्ने गरी सेयररट्याग गर्न पाइँदैन ।

प्रकाशित मिति: सोमबार, माघ ५, २०८२ ०७:४७

प्रतिक्रिया दिनुहोस्

आम निर्वाचन-२०७९

आज मध्यरातदेखि उपनिर्वाचनको मौन अवधि बागेश्वरी पोस्ट

मन्त्री र उम्मेदवार छान्न कांग्रेसको केन्द्रीय कार्यसम्पादन समिति बैठक बस्दै बागेश्वरी पोस्ट

उप–चुनावमा भाग लिन दल दर्ताका लागि दिएको समय आज सकिँदै बागेश्वरी पोस्ट