बाँकेमा चार जनाले उम्मेदवारी फिर्ता लिए, उम्मेदवारको संख्या ५६ कायम

राजनीति

गृहपृष्ठ
राजनीति
बाँकेमा चार जनाले उम्मेदवारी फिर्ता लिए, उम्मेदवारको संख्या ५६ कायम

बाँकेमा चार जनाले उम्मेदवारी फिर्ता लिए, उम्मेदवारको संख्या ५६ कायम

शुक्रबार, माघ ९, २०८२ बागेश्वरी पोस्ट

नेपालगञ्ज । बाँकेमा चार जनाले उम्मेदवारी फिर्ता लिएका छन् । बाँके क्षेत्र नम्बर १ र २ मा मनोनयन पत्र दर्ता गराएका दुई-दुई जनाले उम्मेदवारी फिर्ता लिएका हुन् ।

क्षेत्र नम्बर १ मा मनोनयन दर्ता गराएका स्वतन्त्र उम्मेदवारहरु प्रदीप पौडेल र दीपक बहादुर शाहीले उम्मेदवारी फिर्ता लिएका छन् भने क्षेत्र नम्बर २ मा मनोनयन दर्ता गराएका जनता समाजवादी पार्टी (एकल चुनाव चिन्ह) का सरस्वती प्रसाद बर्मा र नेपाल जनता पार्टीका विजय कुमार गुप्ताले उम्मेदवारी फिर्ता लिएका छन् । क्षेत्र नम्बर ३ बाट कसैले पनि उम्मेदवारी फिर्ता लिएनन् ।

यो संगै बाँकेमा अब उम्मेदवारको संख्या ५६ कायम भएको छ । क्षेत्र नम्बर १ मा १४ जना, क्षेत्र नम्बर २ मा २० जना र क्षेत्र नम्बर ३ मा २२ जनाको उम्मेदवारी कायम भएको छ । निर्वाचन अधिकृत कार्यालयले आ-आफ्नो क्षेत्रका उम्मेदवारहरुको अन्तिम नामावली प्रकाशनसंगै उम्मेदवारलाई चुनाव चिन्ह पनि प्रदान गरेका छन् ।

प्रकाशित मिति: शुक्रबार, माघ ९, २०८२ २०:१६

प्रतिक्रिया दिनुहोस्