'पत्रकारहरुको दुरुपयोग हुने खतरा बढेको छ'

समाचार

गृहपृष्ठ
समाचार
'पत्रकारहरुको दुरुपयोग हुने खतरा बढेको छ'

'पत्रकारहरुको दुरुपयोग हुने खतरा बढेको छ'

सोमबार, माघ १९, २०८२ बागेश्वरी पोस्ट

नेपालगन्ज । प्रेस काउन्सिल नेपालका अध्यक्ष डा. कुमार शर्मा आचार्यले पत्रकारहरुको दुरुपयोग हुने खतरा बढेको बताएका छन् । नेपालगन्जमा आज 'संचार संवाद' को उद्घाटन गर्दै अध्यक्ष आचार्यले यसमा पत्रकारहरु सजग हुनुपर्ने बताए । आचार्यले पत्रकारहरुले आचारसंहिता इमान्दारपूर्वक पालना गरे समस्या नहुने बताए ।

उनले आफू दण्डात्मक भन्दा पनि सुधारात्मक शैलीमा अघि बढ्ने प्रष्ट पार्दै प्रेस काउन्सिलले सुक्ष्मरुपले अनुगमन गरिरहेको उल्लेख गरे । उनले काउन्सिलले देशभरका मिडिया हाउस, संचारकर्मीहरुले संप्रेषण गरेका समाचार, उनीहरुको क्रियाकलापहरुको निरन्तर अनुगमन गरिरहेको जानकारी दिँदै जिम्मेवारीपूर्बक काम गर्न संचारकर्मीहरुलाई आग्रह समेत गरे । निर्वाचनको समयमा अझ जिम्मेवार पत्रकारिता गर्न उनको आग्रह छ ।

'संचार संवाद' का अध्यक्ष डक्ट प्रसाद धितालको अध्यक्षतामा सम्पन्न कार्यक्रममा नेपाल पत्रकार महासंघ लुम्बिनी प्रदेश अध्यक्ष शुक्रऋषि चौलागाई, बाँके अध्यक्ष नवीन गिरी, पूर्व अध्यक्ष निरज गौतम लगायतले बोलेका थिए ।

प्रकाशित मिति: सोमबार, माघ १९, २०८२ २१:४१

प्रतिक्रिया दिनुहोस्