महिलाहरूले निर्वाचनलाई अधिकार प्राप्तिको अवसर बनाउनुपर्दछः इश्तियाक राई

राजनीति

गृहपृष्ठ
राजनीति
महिलाहरूले निर्वाचनलाई अधिकार प्राप्तिको अवसर बनाउनुपर्दछः इश्तियाक राई

महिलाहरूले निर्वाचनलाई अधिकार प्राप्तिको अवसर बनाउनुपर्दछः इश्तियाक राई

शनिबार, माघ २४, २०८२ बागेश्वरी पोस्ट

नेपालगञ्ज । बाँके क्षेत्र नम्बर २ बाट प्रतिनिधिसभा सदस्य उम्मेदवार मोहम्मद इश्तियाक राईले महिलाहरूलाई स्वतन्त्ररूपमा आफ्नो मताधिकार प्रयोग गर्न आग्रह गरेका छन् । महिलालाई समान अधिकार दिलाउने र सशक्तिकरण गर्ने सवालमा प्रतिनिधिसभा सदस्यको निर्वाचन महत्वपूर्ण अवसर भएको हुँदा महिलाहरूले यो अवसरलाई खेर जान दिन नहुने राईको भनाई थियो । नेकपा एमाले क्षेत्र नम्बर २ को महिला निर्वाचन परिचालन कमिटीले आज नेपालगञ्जमा आयोजना गरेको बृहत महिला भेलामा उम्मेदवार राईले समान हक अधिकार प्राप्तिका लागि महिलाहरू स्वयं चनाखो हुनुपर्ने बताएका थिए ।

प्रतिनिधिसभा सदस्यहरू खासगरी कानुन, नीति नियम बनाउने र भौतिक पूर्वाधार निर्माणमा केन्द्रित हुने भएको जानकारी दिँदै राईले आफू विजयी भएमा विगतमा आफूले कानुन र पूर्वाधार निर्माणमा हासिल गरेको अनुभवले थप उल्लेख्य काम गर्न सक्ने दाबी गरे । भेरी अस्पतालको सेवा-सुविधा विस्तारलाई आफ्नो प्रमुख चुनावी मुद्दा बनाएका एमाले उम्मेदवार राईले आफू प्रतिनिधिसभा सदस्य नहुँदा समेत बाँकेमा स्वास्थ्य सेवा सुदृढ बनाउन सक्रिय भएको जानकारी दिए । उनले प्रदीप यादव स्वास्थ्य मन्त्री हुँदा आफूले करिब सवा ३ अर्बको योजना भेरी अस्पतालका लागि पारेको भए पनि पछि यादव स्वस्थ्य मन्त्रीबाट हटेपछि त्यो कार्यान्वयनमा आउन नसकेको बताए ।

भेरी अस्पतालको सुविधा विस्तार गरेरै छाड्ने दृढता व्यक्त गरेका राईले भने, ‘मन्त्री छँदा भेरी अस्पतालमा नयाँ भवनहरू बनाउन सकें। अब त्यहाँ पर्याप्त दक्ष जनशक्तिको व्यवस्था गर्ने हो । र, सेवासुविधा पनि विस्तार गर्ने हो ।’ यसैबीच आजै उम्मेदवार राईले नेपालगञ्ज वडा नम्बर १८ मा पुगेर मतदाताहरूसँग भेटघाट गरेका छन् ।

प्रकाशित मिति: शनिबार, माघ २४, २०८२ २०:०९

प्रतिक्रिया दिनुहोस्