'कांग्रेस जेन-जीको भावनालाई सम्बोधन गरेर देश निर्माणमा लगाउन चाहन्छ' : अमर सिंह पुन

राजनीति

गृहपृष्ठ
राजनीति
'कांग्रेस जेन-जीको भावनालाई सम्बोधन गरेर देश निर्माणमा लगाउन चाहन्छ' : अमर सिंह पुन

'कांग्रेस जेन-जीको भावनालाई सम्बोधन गरेर देश निर्माणमा लगाउन चाहन्छ' : अमर सिंह पुन

शनिबार, माघ २४, २०८२ बागेश्वरी पोस्ट

नेपालगञ्ज । बाँके क्षेत्र नम्बर ३ का जेनजी युवाले वर्तमान अवस्थामा नेपाली कांग्रेसका उम्मेवार अमरसिंह पुनले नेपाली कांग्रेस जेनजी युवाको सपना पूरा गर्ने पार्टी भएको बताएका छन् । बाँके क्षेत्र नम्बर ३ मा नेपाली कांग्रेसको तर्फबाट लुम्बिनी प्रदेश सभापति पुनले उम्मेदवारी दिएका छन् । जेनजी युवा देखेको सपना पूरा गर्ने प्रतिवद्धता जनाउँदै पुनले भने, ‘म जेनजी युवालाई स्पष्ट पार्न चाहन्छु, यहाँ जेनजीको मर्म र मुद्दालाई गलत ठाउँमा प्रयोग गर्ने प्रयास गरिएको छ । जेनजीको जोश र उत्साह देशको समृद्धिको लागि, विकासको लागि प्रयोग हुनुपर्छ ।’

जेनजी आन्दोलनलाई गलत रुपमा प्रयोग गर्ने प्रयास भइरहेको बारेमा जेनजी सचेत हुनु जरुरी रहेको पुनले बताए । उनले भने, ‘देशभरका सरकारी कार्यालय र कागजात जलेर नष्ट भए । महत्वपूर्ण संरचना ध्वस्त भएका छन् । धेरै सरकारी कार्यालय जल्दा जनताले नै दुःख पाउनु परेको छ । युवा जेनजीले उठाएका सकारात्मक मुद्धालाई पनि दबाउने प्रयास गरिएको छ । कांग्रेस जेनजीको भावनालाई सम्बोधन गरेर उहाँहरुको शक्तिलाई देश निर्माण लगाउन चाहन्छ ।' जेनजी युवालाई आफ्नो बारेमा आफ्नो धारणा सार्वजनिक गरेकोमा धन्यवाद दिँदै पुनले बाँके क्षेत्र नम्बर ३ को अधुरा योजनालाई पूरा गर्दै यस क्षेत्रको समग्र विकासमा इमानदारितका साथ काम गर्ने बताए ।

सो क्रममा उपस्थित जेनजी युवाहरुले पुनलाई विजयी गराउनुपर्ने बताए । बदलिँदो परिस्थितिमा बाँके क्षेत्र नम्बर ३ को समृद्धि र विकासको लागि पुनलाई विजयी गराउन आवश्यक रहेको धारणा जेनजी युवाले सार्वजनिक गरेका हुन् । खजुराका आदित्य सुनारले बाँके क्षेत्र नम्बर ३ मा नेपाली कांग्रेसका नेताले थुप्रै विकास निर्माणका योजना सम्पन्न गरेकाले आसन्न प्रतिनिधि सभा निर्वाचनमा कांग्रेस उम्मेदवार पुनलाई विजयी गराउनुपर्ने धारणा व्यक्त गरे । जेनजीको भावनालाई समेटेर काम गर्न सक्ने पार्टी कांग्रेस भएकोले पुनलाई विजयी गराउनुपर्ने उनले बताए ।

आदित्यले भने, ‘नेपाली कांग्रेसका नेता किशोर सिंह राठौर र बादशाह कुर्मीले थुप्रै विकास निर्माणका कामहरु गर्नुभयो । उहाँको कार्यकालमा आर्थिक सुशासन र विकास निर्माणको क्षेत्रमा थुप्रै सकारात्मक काम भएका छन् ।’ अर्का जेनजी युवा सौरभ रानाले आफूहरुको रोजाईको नेता अमरसिंह पुन भएको बताए । जेनजी आन्दोलनको मर्मलाई सम्बोधन गर्न सक्ने पार्टी कांग्रेस भएको उनले बताए ।

प्रकाशित मिति: शनिबार, माघ २४, २०८२ २१:०५

प्रतिक्रिया दिनुहोस्