कोइरालाको महाशिवरात्री विशेष, दिनभर धार्मिक गतिविधि र भेटघाटमा ब्यस्त

समाचार

गृहपृष्ठ
समाचार
कोइरालाको महाशिवरात्री विशेष, दिनभर धार्मिक गतिविधि र भेटघाटमा ब्यस्त

कोइरालाको महाशिवरात्री विशेष, दिनभर धार्मिक गतिविधि र भेटघाटमा ब्यस्त

आइतबार, फागुन ३, २०८२ बागेश्वरी पोस्ट

नेपालगन्ज । नेपाली कांग्रेसको तर्फबाट बाँके क्षेत्र नम्बर २ का उम्मेदवार शुधान्सु कोइराला आइतबार दिनभर धार्मिक गतिविधि र भेटघाटमा ब्यस्त भएका छन् । कोइरालाले महाशिवरात्री पर्वको अवसरमा विभिन्न मन्दिरहरुमा पुगेर पुजापाठ गर्दै उपस्थित भक्तजनलाई भेटघाट गरे ।

उम्मेदवार कोइरालाले आइतबार अपरान्ह नेपालगन्ज उपमहानगरपालिका वडा नम्बर २० राँझाँमा रहेको गायत्री मन्दिर, पशुपति मन्दिर, नरबदेश्वर, शिव सन्तोषी, खाटुश्याम, गधैंसिंह सरदार मन्दिरको दर्शन गरेका थिए । सो क्रममा उम्मेदवार कोइरालाले उपस्थित भक्तजनहरुलाई सहयोग गर्न अपील गरे । ‘आगामी फागुन २१ गतेको निर्वाचनमा प्रतिनिधि सभा सदस्य पदको उम्मेदवार भई तपाईंहरुको आशिर्वाद ग्रहण गर्न आएको छु, आशा एवम् विश्वास छ, मलाई हजुरहरुले विजयी गराएर संसदमा पठाउनुहुनेछ,’ उनले भने ।

आफूले भ्रष्टाचारका विरुद्ध सडक र सदनमा आवाज उठाइरहने र बाँकेको विकासका लागि नेतृत्व गर्ने प्रतिवद्धता जनाए । उम्मेदवार कोइरालाले आइतबार बिहान नेपालगन्जको बागेश्वरी मन्दिर, जुँगे महादेव मन्दिर, डुडुवा ५ पदमपुरमा रहेको शिव मन्दिरको पनि दर्शन गरेका थिए । यस्तै आइतबार बिहान ब्रम्हाकुमारी इश्वरिय विश्वविद्यालय नेपालगन्जको कार्यक्रममा सहभागी भएर आशिर्वाद ग्रहण गरे । युवा उम्मेदवार कोइरालालाई ब्रम्हाकुमारी दुर्गा दिदी लगायतले आशिर्वाद दिए ।

मन्दिरहरु दर्शनसहित कोइरालाले विभिन्न संघ, संस्था, क्लबका पदाधिकारीलाई पनि भेटघाट गरेको नेपाली कांग्रेस प्रतिनिधि सभा बाँके क्षेत्र नम्बर २ को प्रचारप्रसार सचिवालयले जनाएको छ ।

प्रकाशित मिति: आइतबार, फागुन ३, २०८२ २०:२०

प्रतिक्रिया दिनुहोस्