बाँकेको नरैनापुरमा १० शैयाको क्वारेन्टाइन केन्द्र बनाइदै

समाचार

गृहपृष्ठ
समाचार
बाँकेको नरैनापुरमा १० शैयाको क्वारेन्टाइन केन्द्र बनाइदै

बाँकेको नरैनापुरमा १० शैयाको क्वारेन्टाइन केन्द्र बनाइदै

बुधबार, चैत १२, २०७६ बागेश्वरी पोस्ट

नरैनापुर(बाँके) । बाँकेको नरैनापुर गाउँपालिकामा १० शैयाको क्वारेन्टाइन केन्द्र बनाइने भएको छ ।

गाउँपालिकाको वडा नम्बर ४ खोदवाँस्थित नेपाल राष्ट्रिय प्राथमिक विद्यालयलाई क्वारेन्टाइन केन्द्र बनाउने निर्णय गरिएको अध्यक्ष इस्तियाक अहमद शाहले बताउनुभयो । स्वास्थ्य शाखा प्रमुख मोइन खाँले अहिलेलाई १० शैयाको क्वारेन्टाइन बनाउने तयारी गरिएको जानकारी दिँदै आवश्यकता अनुसार अन्य स्थानमा पनि क्वारेन्टाइन बनाउन सकिने बताउनुभयो ।

उहाँले पर्सिसम्ममा क्वारेन्टाइन केन्द्र तयार हुने जानकारी दिनुभयो । कोरोना भाइरस संक्रमणको आशंका भएका व्यक्तिलाई राख्न क्वारेन्टाइन बनाइएको हो । यस्तै गाउँपालिकाभित्र पछिल्लो समय बाहिरी देशबाट आएका स्थानीयहरुको पहिचान गरी स्वास्थ्य जाँच गरेर आवश्यकता अनुसार नेपालगन्ज रेफर गर्ने रणनीति बनाइएको स्वास्थ्य शाखा प्रमुख खाँले बताउनुभयो ।

"स्वास्थ्य जाँच गर्दा सामान्य अवस्था देखिएमा घरमै आइसोलेशनमा बस्न लगाउँछौं, शंकास्पद विरामीलाई नेपालगन्ज रेफर गर्छौं," खाँले भन्नुभयो । मानिसहरुलाई अत्यावश्यक अवस्था बाहेक घर बाहिर ननिस्कन आग्रह गरिएको गाउँपालिकाका अध्यक्ष शाहले बताउनुभयो । उहाँले जनताले लकडाउनको पालना गरिरहेको जानकारी दिनुभयो ।

प्रकाशित मिति: बुधबार, चैत १२, २०७६ १४:३९

प्रतिक्रिया दिनुहोस्