मस्त नेपालगन्जीया ! (तस्वीर सहित)

समाचार

गृहपृष्ठ
समाचार
मस्त नेपालगन्जीया ! (तस्वीर सहित)

मस्त नेपालगन्जीया ! (तस्वीर सहित)

बुधबार, चैत १२, २०७६ बागेश्वरी पोस्ट

नेपालगन्ज । विश्वब्यापी महामारीको रुपमा फैलिएको कोरोना भाईरसका कारण सरकारले यतीबेला पुरै देश लकडाउन घोषणा गरेको छ । महामारी फैलिन नदिन र रोकथाम गर्न लकडाउनको समयमा सबैलाई घरभित्रै बस्न प्रशासनले आग्रह समेत गर्दै आएको छ । तर पश्चिम नेपालको पुरानो शहर नेपालगन्ज भने अन्य समय सरह जागेको छ । दिनभर सुनसान रहने नेपालगन्ज बेलुका ५ बजेपछि भने चलमलाउँछ । सामान्य दिनजस्तै यहाँका स्थानियहरु खुलेआम बजारमा हिडडुल गर्दा समेत प्रहरी प्रशासन मुक दर्शन बनेर बस्ने गरेको छ ।

पहिलो दिन जस्तै लकडाउनको दोस्रो दिन बुधबार पनि नेपालगन्जमा त्यस्तै दृष्य देखियो । दिनभर सुनसान रहेका क्षेत्रमा बेलुका स्थानियहरुको चहलपहल बढेको छ । नेपालगन्ज कोहलपुर मुख्य सडकका अलावा धम्बोझी, त्रिभुवन चोक, गणेशमान चोक, विपी चौक, तरकारी मण्डी लगायतका क्षेत्रमा उल्लेख्य स्थानियहरु जम्मा भएका छन । निजि सवारी साधन समेत निर्वाध रुपमा संचालनमा आएका छन ।

स्थानिय प्रशासनले जिल्लाभर जनता कर्फ्यु समेत जारी गरेको छ, सिमासँग जोडिएको जिल्ला भएकाले कोरोनाको बढि जोखीम हुँदासमेत नेपालगन्ज बासीलाई केही फरक परेको देखिदैन ।