बाँकेमा समानुपातिकतर्फ रास्वपा पहिलो दल

राजनीति

गृहपृष्ठ
राजनीति
बाँकेमा समानुपातिकतर्फ रास्वपा पहिलो दल

बाँकेमा समानुपातिकतर्फ रास्वपा पहिलो दल

सोमबार, फागुन २५, २०८२ बागेश्वरी पोस्ट

नेपालगञ्ज । बाँकेमा समानुपातिकतर्फ रास्वपा पहिलो दल बनेको छ । यहाँका तीन वटै निर्वाचन क्षेत्रमा रास्वपाले समानुपातिकतर्फ सर्वाधिक मत प्राप्त गरेको हो । बाँकेको क्षेत्र नम्बर १ र ३ बाट प्रत्यक्षतर्फ विजयी हासिल गरेको रास्वपा क्षेत्र नम्बर २ भने दोस्रो बनेको थियो । तर, समानुपातिकमा क्षेत्र नम्बर २ मा पनि पहिलो दल बनेको छ ।

क्षेत्र नम्बर १ मा जम्मा खसेको ७६०६२ मतमा रास्वपाले ३४३८३ मत प्राप्त गर्दा नेपाली कांग्रेसले १४२२४ र एमालेले १०३२० मत प्राप्त गरेका छन् । यहाँ ७२३७० मत सदर भएको थियो भने ३६९२ मत बदर भएको थियो ।

यस्तै क्षेत्र नम्बर २ मा पनि रास्वपा २४३४१ मत प्राप्त गर्दै पहिलो दल बनेको छ । दोस्रो स्थानमा रहेको नेकपा एमालेले २०५५२ मत प्राप्त गर्दा कांग्रेसले १२४८४ मत प्राप्त गरेको छ । यो क्षेत्रमा प्रत्यक्षतर्फ एमाले विजयी भएको थियो । क्षेत्र नम्बर २ मा जम्मा खसेको मत ७३०५२ मध्ये ६८४०४ मत सदर हुँदा ४६४८ मत बदर भएको छ ।

यसैगरी क्षेत्र नम्बर ३ मा रास्वपाले ३१३०६ मत प्राप्त गरेको छ । एमालेले १६२३० र कांग्रेसले १३२७८ मत प्राप्त गरेका छन् । यहाँ कुल ७४६१६ मत खसेकोमा ७११८४ मत सदर हुँदा ३४३२ मत बदर भएको छ । जिल्लामा रास्वपाले कुल ९००३० मत प्राप्त गरेको छ ।

प्रकाशित मिति: सोमबार, फागुन २५, २०८२ १३:३२

प्रतिक्रिया दिनुहोस्