नेपाली कांग्रेसका उम्मेदवार कोइरालाद्वारा मतदाताप्रति आभार ब्यक्त, विजयी उम्मेदवारलाई बधाई

राजनीति

गृहपृष्ठ
राजनीति
नेपाली कांग्रेसका उम्मेदवार कोइरालाद्वारा मतदाताप्रति आभार ब्यक्त, विजयी उम्मेदवारलाई बधाई

नेपाली कांग्रेसका उम्मेदवार कोइरालाद्वारा मतदाताप्रति आभार ब्यक्त, विजयी उम्मेदवारलाई बधाई

मंगलबार, फागुन २६, २०८२ बागेश्वरी पोस्ट

नेपालगञ्ज । प्रतिनिधि सभा सदस्य निर्वाचन अन्तर्गत बाँके क्षेत्र नं. २ बाट नेपाली कांग्रेसका तर्फबाट उम्मेदवारी दिएका सुधान्शु कोइरालाले मतदाताप्रति आभार व्यक्त गरेका छन् । उनले चुनावी परिणामलाई सम्मान गर्दै विजयी उम्मेदवारलाई बधाई दिएका हुन् । कोइरालाले आज एक प्रेस नोट जारी गर्दै लोकतन्त्रमा जनताको निर्णय नै सर्वोच्च हुने उल्लेख गरेका छन् । निर्वाचनको क्रममा प्रत्यक्ष वा अप्रत्यक्ष रूपमा साथ दिएका समर्थक, पार्टीका साथीहरू, शुभेच्छुक तथा नेपाली कांग्रेसको चुनाव चिह्न “रुख” मा मतदान गर्ने सम्पूर्ण मतदाताप्रति उनले धन्यवाद व्यक्त गरेका छन् ।

उनले मतदाताको विश्वास र मायाले आफूलाई केवल उम्मेदवार मात्र नभई जनताको सेवक बन्ने प्रेरणा दिएको पनि बताए । पार्टीले विश्वास गरेर उम्मेदवार बनाएकोमा उनले नेपाली कांग्रेसका सभापति गगन कुमार थापा तथा सम्पूर्ण नेतृत्वप्रति पनि आभार प्रकट गरेका छन् । कोइरालाले बाँके क्षेत्र नं. २ का आमाबुबा, दाजुभाइ तथा दिदीबहिनीहरूको विश्वास, स्नेह र आत्मीयताले आफूलाई सधैं बलियो बनाइरहने उल्लेख गरेका छन् । उनले निर्वाचन परिणाम आफ्नो पक्षमा नआए पनि जनताको सेवा गर्ने आफ्नो संकल्पमा कुनै कमी नआउने स्पष्ट पारेका छन् ।

यस्तो छ कोइरालाको प्रेस नोट

May be an image of text