इनिशा हत्याकाण्डका दोषीलाई कडा कारबाहीको माग गर्दै नेपालगञ्जमा प्रदर्शन

समाचार

गृहपृष्ठ
समाचार
इनिशा हत्याकाण्डका दोषीलाई कडा कारबाहीको माग गर्दै नेपालगञ्जमा प्रदर्शन

इनिशा हत्याकाण्डका दोषीलाई कडा कारबाहीको माग गर्दै नेपालगञ्जमा प्रदर्शन

शुक्रबार, फागुन २९, २०८२ बागेश्वरी पोस्ट

नेपालगन्ज । सुर्खेतकी १६ वर्षीया इनिशा विकको सामूहिक बलात्कारपछि हत्या भएको घटनामा संलग्न दोषीलाई कडा कारबाही गर्न माग गर्दै शुक्रबार नेपालगन्जमा प्रदर्शन गरिएको छ । भृकुटीनगरस्थित प्रभात मेमोरियल स्कुलका विद्यार्थी तथा शिक्षकहरूले प्रदर्शन गर्दै उक्त जघन्य अपराधमा संलग्न दोषीलाई कडा भन्दा कडा कानुनी कारबाही गर्न सरकारसँग माग गरेका हुन् ।

प्रदर्शनका क्रममा सहभागीहरूले “इनिशालाई न्याय देऊ”, “बालिकामाथि हुने बलात्कार, हिंसा र हत्या बन्द गर” लगायतका नारासहितका प्लेकार्ड प्रदर्शन गरेका थिए । प्रदर्शनमा सहभागीहरूले महिलामाथि हुने सबै प्रकारका हिंसा अन्त्य गर्न कडा कानुनी व्यवस्था आवश्यक रहेको बताएका छन् । साथै यस्ता अपराधमा संलग्नलाई कडा भन्दा कडा सजाय सुनिश्चित गर्न सरकारसँग माग गरेका छन् । उनीहरूले आगामी दिनमा यस्ता जघन्य घटना दोहोरिन नदिन सरकार तथा सम्बन्धित निकायले प्रभावकारी कदम चाल्नुपर्नेमा समेत जोड दिएका छन् ।

प्रकाशित मिति: शुक्रबार, फागुन २९, २०८२ १५:५९

प्रतिक्रिया दिनुहोस्