नेपालगन्जमा जलेको अवस्थामा महिलाको शव भेटियो, जिउँदै जलाइएको आशंका

समाचार

गृहपृष्ठ
समाचार
नेपालगन्जमा जलेको अवस्थामा महिलाको शव भेटियो, जिउँदै जलाइएको आशंका

नेपालगन्जमा जलेको अवस्थामा महिलाको शव भेटियो, जिउँदै जलाइएको आशंका

आइतबार, चैत १५, २०८२ बागेश्वरी पोस्ट

नेपालगन्ज । नेपालगञ्ज उपमहानगरपालिका वडा नम्बर १२ कोरियनपुरमा गएराति एक अज्ञात महिलाको जलेको अवस्थामा शव फेला परेको छ ।

स्थानीयवासीका अनुसार घटनास्थलमा महिलालाई जिउँदै आगो लगाइएको आशंका गरिएको छ । विभिन्न सामाजिक सञ्जालमा ६–७ जनाको समूहले महिलामाथि आगजनी गरेको दाबी समेत गरिएको छ, तर यसबारे आधिकारिक पुष्टि भने भइसकेको छैन ।

प्रहरीका अनुसार प्रारम्भिक अनुसन्धानमा महिलाको जलेर मृत्यु भएको देखिए पनि उनलाई कसले र किन जलायो भन्ने विषय अझै खुल्न सकेको छैन । घटनाको प्रकृति शंकास्पद देखिएकाले अनुसन्धानलाई तीव्र पारिएको बाँके प्रहरीले जनाएको छ ।

शवलाई पोस्टमार्टमका लागि पठाइएको छ भने मृतकको पहिचान खुलाउने प्रयास जारी रहेको छ । घटनाबारे थप विवरण आउन बाँकी छ ।

प्रकाशित मिति: आइतबार, चैत १५, २०८२ ०९:०३

प्रतिक्रिया दिनुहोस्