हाइसको ठक्करबाट बालकको मृत्यु

समाचार

गृहपृष्ठ
समाचार
हाइसको ठक्करबाट बालकको मृत्यु

हाइसको ठक्करबाट बालकको मृत्यु

शुक्रबार, चैत २०, २०८२ बागेश्वरी पोस्ट

नेपालगञ्ज । बाँकेको राप्ती सोनारी गाउँपालिका–६ डाँडाटेपरीमा हाइस गाडीको ठक्करबाट शुक्रबार एक बालकको मृत्यु भएको छ । स्थानीय पाँच वर्षीय सुगन रानालाई गाडीले ठक्कर दिएपछि उनको मृत्यु भएको जिल्ला प्रहरी कार्यालयले जनाएको छ । दाङबाट नेपालगन्ज आउँदै गरेको भे १ ज १५०५ नम्बरको इभी हाइसले बाटोमा हिँडिरहेका रानालाई ठक्कर दिँदा उनको मृत्यु भएको जिल्ला प्रहरी कार्यालय बाँकेका प्रहरी नायब उपरीक्षक दीपक पातलीले जानकारी दिए ।

दाङको लमही नगरपालिका–५ का अजय केसीले चलाएको उक्त हाइस बालकलाई ठक्कर दिएर भागेको थियो । भागेको सवारीलाई डुडुवा गाउँपालिकाको कम्दीमा प्रहरीले नियन्त्रणमा लिएको जिल्ला प्रहरी कार्यालयले जनाएको छ । बालकको मृत्यु भएपछि आक्रोशित स्थानीय र आफन्तले विरोध प्रदर्शन गर्दै नेपालगन्ज–अगैया हुलाकी सडक अवरुद्ध पारेका थिए ।

रासस

प्रकाशित मिति: शुक्रबार, चैत २०, २०८२ २१:०९

प्रतिक्रिया दिनुहोस्