‘जरा अभियान’ मा जुट्यो बाँके कांग्रेस

राजनीति

गृहपृष्ठ
राजनीति
‘जरा अभियान’ मा जुट्यो बाँके कांग्रेस

‘जरा अभियान’ मा जुट्यो बाँके कांग्रेस

मंगलबार, वैशाख १५, २०८३ बागेश्वरी पोस्ट

नेपालगञ्ज । नेपाली कांग्रेसले ‘जरा अभियान’ सुरु गरेको छ । बैशाख १ गतेदेखि एक महिनासम्म सञ्चालन हुने ‘जरा अभियान’ अन्तर्गत क्रियाशील सदस्यता अद्यावधिक, नयाँ सदस्यता वितरण, सांगठनिक गतिविधि तथा नागरिक संवाद कार्यक्रम हुनेछन् । ‘जरा अभियान’ बारे जानकारी दिने उद्देश्यले नेपाली कांग्रेस बाँकेले आज नेपालगञ्जमा पत्रकार सम्मेलन गरेको छ ।

अभियानका लागि ७७ वटै जिल्लामा केन्द्रीय प्रतिनिधि खटाइएको छ । बाँकेमा पनि पार्टीका केन्द्रीय सदस्य केशवराज शर्मा आचार्य र लुम्बिनी प्रदेश सदस्य मोतिलाल भण्डारी प्रतिनिधिका रुपमा खटिएका छन् । जिल्ला सभापति नारायण प्रसाद गौडेलको अध्यक्षतामा सम्पन्न पत्रकार सम्मेलनमा केन्द्रीय सदस्य आचार्यले ‘जरा अभियान’ ले कांग्रेसको जीवनमा रुपान्तरण ल्याउने दाबी गरे । यो अभियानले कांग्रेसलाई बलियो र सुदृढ बनाउने उनको उद्घोष छ ।

May be an image of ‎one or more people and ‎text that says '‎IGCIDN राष्ट्ियता तोकततन समाहवाद उत्सह विरवारा नवीन अभियान مى मेपाली पालीकागोसा कागोस जरा आमयान सम्बन्यमा आयोजित पत्रकार सम्मेलन मिति २०८३ बैरास गते आयोजक समरा समय दिउसो 1:00 नेपाली का्ग्ेस, बाके स्थान नेपाली कांग्रेस वकिेको सभा सभारव H9 406 લપ્ુકી‎'‎‎

अर्का प्रतिनिधि भण्डारीले बाँकेमा १२ हजार क्रियाशील सदस्यता वितरण गर्ने लक्ष्य रहेको जानकारी गराउँदै अभियानको मूल उद्देश्य पार्टीको क्रियाशील सदस्यता प्रणालीलाई व्यवस्थित र वैज्ञानिक बनाउनु रहेको बताए । सभापति गौडेलले ‘जरा अभियान’ ले पार्टीलाई पुनर्जागृत गर्ने बताए । बाँके कांग्रेस यसमा प्रतिबद्ध भएर लाग्ने उनको भनाई छ । कांग्रेसले १५औँ महाधिवेशनलाई लक्षित गरी जरा अभियान थालेको हो । पत्रकार भेटघाट कार्यक्रममा उपसभापति गोपाल प्रसाद अधिकारी, कोषाध्यक्ष यज्ञ बहादुर बस्नेत, सहसचिव विनोद कुमार थारु, जिल्ला सदस्य उमा थापा मगर लगायत उपस्थित थिए । कार्यक्रमको सहजीकरण प्रेस सल्लाहकार निरज कुमार गौतमले गरेका थिए ।

प्रकाशित मिति: मंगलबार, वैशाख १५, २०८३ २१:२१

प्रतिक्रिया दिनुहोस्