किर्ते मुद्दामा पक्राउ पुर्जी: वीरगञ्जका मेयर राजेशमान सिंह पक्राउ

राजनीति

गृहपृष्ठ
राजनीति
किर्ते मुद्दामा पक्राउ पुर्जी: वीरगञ्जका मेयर राजेशमान सिंह पक्राउ

किर्ते मुद्दामा पक्राउ पुर्जी: वीरगञ्जका मेयर राजेशमान सिंह पक्राउ

मंगलबार, जेठ १९, २०८३ बागेश्वरी पोस्ट

पर्सा । वीरगञ्ज महानगरपालिकाका मेयर राजेशमान सिंहलाई प्रहरीले पक्राउ गरेको छ । लिखत किर्ते सम्बन्धी मुद्दामा अदालतबाट जारी पक्राउ पुर्जीका आधारमा उनलाई पर्साको ठोरी क्षेत्रबाट नियन्त्रणमा लिइएको हो ।

मधेश प्रदेश प्रहरी कार्यालयका अनुसार मेयर सिंहलाई मंगलबार बिहान पक्राउ गरिएको हो । उनीविरुद्ध यसअघि पर्सा जिल्ला अदालतले पक्राउ पुर्जी जारी गरेको थियो ।

प्रहरीका अनुसार स्थानीय लियाकत अलीले दिएको जाहेरीका आधारमा मुद्दा दर्ता भएको हो । जाहेरीमा नक्कली कागजात प्रयोग गरी अर्काकी छोरीलाई आफ्नै छोरीका रूपमा देखाएर नागरिकता बनाउन सहयोग गरेको आरोप लगाइएको छ ।

सोही आरोपमाथि अनुसन्धान गर्न अदालतले पक्राउ अनुमति दिएपछि प्रहरीले मेयर सिंहलाई नियन्त्रणमा लिएको जनाएको छ । घटनाबारे थप अनुसन्धान जारी रहेको प्रहरीको भनाइ छ ।

प्रकाशित मिति: मंगलबार, जेठ १९, २०८३ ०९:१३

प्रतिक्रिया दिनुहोस्