नेपालगन्जको वडा नं २२ मा सरसफाईको लागि साबुन र मास्क वितरण

समाचार

गृहपृष्ठ
समाचार
नेपालगन्जको वडा नं २२ मा सरसफाईको लागि साबुन र मास्क वितरण

नेपालगन्जको वडा नं २२ मा सरसफाईको लागि साबुन र मास्क वितरण

शनिबार, चैत १५, २०७६ बागेश्वरी पोस्ट

नेपालगञ्ज।विश्वव्यापी स्वास्थ्य समस्याको रुपमा देखिएको कोरोना भाईरस (कोभिड–१९) को संक्रमण भित्रिन नदिन तथा रोकथामको लागि सरसफाई सहयोग गर्नका लागि आज नेपालगञ्ज उप महानगरपालिका वडा नं. २२, पुरैनीले वडाभित्रका सबै बस्तीहरुमा घरदैलौ मार्फत मास्क र साबुन बितरण गरेको छ ।

नेपालगंज उप महानगरपालिका वडा नं. २२ ले उप स्वास्थ्य चौकी पुरैनी मार्फत महिला स्वयमसेवीका र कर्मचारीहरुको सहयोगमा प्रत्येक घरधुरीमा मास्क र साबुन एकै साथमा घरघरमा गएर वितरण गरिएको छ।

वडा अध्यक्ष बिद्याराम बर्माले आज स्थानीय महिला स्वयमसेवीका तथा कर्मचारीहरुलाई साबुन तथा मास्क हस्तान्तरण गरेपछि वडा भित्रका सबै बस्तीहरुमा वितरण गरिएको हो ।

स्वास्थ्य चौकी पुरैनीका प्रमुख सरोज कुमार मिश्राको अनुसार स्वयमसेवकहरु मार्फत वडाको किंगरियनपुर्वा नहरपुर्वा, पुरैनी, खल्वापुरैनी, जोधापुर्वा, पुरैनी बिर्ता, लोनियनपुर्वा, प्रगतीटोल र शाहपुर्वा बस्तीहरुमा वितरण गरिएको छ । यसअघि वडा कार्यालयले जनचेतनाको लागि सबै बस्तीहरुमा ब्यानर, पम्पलेट तथा माइकिङ्ग गरिएको छ ।

प्रकाशित मिति: शनिबार, चैत १५, २०७६ १५:०३

प्रतिक्रिया दिनुहोस्