दही–चिउरा खाएर महिला संघ बाँकेले मनायो असार १५

राजनीति

गृहपृष्ठ
राजनीति
दही–चिउरा खाएर महिला संघ बाँकेले मनायो असार १५

दही–चिउरा खाएर महिला संघ बाँकेले मनायो असार १५

सोमबार, असार १५, २०८३ बागेश्वरी पोस्ट

नेपालगन्ज । नेपाल महिला संघ बाँकेले सोमबार राष्ट्रिय धान दिवस तथा असार १५ को अवसरमा दही–चिउरा खाएर मनाएको छ । संघकी बाँके अध्यक्ष नारायणी रुपाखेतीको अध्यक्षतामा भएको कार्यक्रममा सहभागीहरूले असार १५ को सांस्कृतिक तथा कृषि महत्वबारे चर्चा गर्दै नेपाली परम्परा र संस्कृतिको संरक्षणमा जोड दिएका थिए ।

कार्यक्रममा नेपाली कांग्रेसका उपसभापति गोपाल अधिकारीले असार १५ नेपाली किसानको श्रम, उत्पादन र कृषिसँग जोडिएको महत्वपूर्ण पर्व भएको उल्लेख गर्दै यस्ता परम्परागत पर्वले सामाजिक सद्भाव र एकतालाई मजबुत बनाउने बताए । त्यस्तै, नेपाल विद्यार्थी संघका पूर्व केन्द्रीय सभापति महेन्द्र शर्माले नेपाली मौलिक संस्कृति र परम्परालाई जगेर्ना गर्न सबैको भूमिका आवश्यक रहेको धारणा व्यक्त गरे । उनले कृषि तथा किसानको सम्मानसँग जोडिएको असार १५ लाई औपचारिकतामा सीमित नराखी यसको महत्वलाई व्यवहारमा उतार्नुपर्ने बताए ।

कार्यक्रममा महिला संघका पदाधिकारी, सदस्य तथा विभिन्न तहका नेता–कार्यकर्ताको उपस्थिति रहेको थियो । सहभागीहरूले दही–चिउरा ग्रहण गर्दै आपसी सद्भाव आदानप्रदान गरेका थिए । नेपाल महिला संघ बाँकेले यस्ता सांस्कृतिक तथा सामाजिक कार्यक्रममार्फत संगठनलाई सक्रिय बनाउनुका साथै नेपाली मौलिक पर्वहरूको संरक्षण र प्रवर्द्धनमा योगदान पुर्‍याउँदै आएको महिला नेतृ कमला पोख्रेलले बताइन् ।

प्रकाशित मिति: सोमबार, असार १५, २०८३ १७:४१

प्रतिक्रिया दिनुहोस्