नेपालगञ्जमा संवेदनशील र प्रभावकारी रिपोटिङ्गका लागि पत्रकारको क्षमता अभिवृद्वि कार्यक्रम

समाचार

गृहपृष्ठ
समाचार
नेपालगञ्जमा संवेदनशील र प्रभावकारी रिपोटिङ्गका लागि पत्रकारको क्षमता अभिवृद्वि कार्यक्रम

नेपालगञ्जमा संवेदनशील र प्रभावकारी रिपोटिङ्गका लागि पत्रकारको क्षमता अभिवृद्वि कार्यक्रम

शनिबार, असार २७, २०८३ बागेश्वरी पोस्ट

नेपालगञ्ज । नेपालगञ्जमा संवेदनशील र प्रभावकारी रिपोटिङ्गका लागि पत्रकारको क्षमता अभिवृद्वि कार्यक्रम गरिएको छ । बाँकेका ४० जना पत्रकारहरुलाई क्षमता अभिवृद्वि कार्यक्रम गरिएको हो । लुम्विनी प्रदेश सरकार आन्तरिक मामिला तथा कानुन मन्त्रालयको आयोजना तथा समुदायका लागि सञ्चार अभियान नेपालको समन्वयमा कार्यक्रम गरिएको हो ।

कार्यक्रमलाई सम्बोधन गर्दै लुम्विनी प्रदेशका आन्तरिक मामिला तथा कानुन मन्त्री भण्डारीलाल अहिरले पत्रकारहरुको पुनर्ताजकीका लागि यस्ता कार्यक्रम आवश्यक रहेको बताए । मन्त्रालयका वरिष्ठ उपसचिव सुरेशचन्द्र आचार्यको अध्यक्षतामा सम्पन्न उद्घाटन सत्रमा लुम्बिनी प्रदेशसभा सदस्य मिना श्रेष्ठ, नेपाल पत्रकार महासंघ बाँकेका अध्यक्ष नवीन गिरीले पत्रकारिताको व्यवसायिकता, उत्तरदायित्व र समुदायमैत्री सञ्चारको आवश्यकताबारे धारणा राखेका थिए ।

कार्यक्रममा मन्त्रालयका शाखा अधिकृत केशरी शर्माले स्वागत मन्तव्य व्यक्त गरेकी थिइन् भने मन्त्रालयका अधिकृत भूपबहादुर मल्लले कार्यक्रम सञ्चालन गरेका थिए । क्षमता अभिवृद्धि कार्यक्रममा अधिवक्ता बसन्त गौतम, अग्रज पत्रकार हेमन्त कर्माचार्य, शंकरप्रसाद खनाल र सावित्री गिरीले पत्रकारितासम्बन्धी विभिन्न विषयमा सहजीकरण तथा प्रस्तुतीकरण गरेको आयोजकले जनाएको छ ।

प्रकाशित मिति: शनिबार, असार २७, २०८३ २२:१५

प्रतिक्रिया दिनुहोस्