पोषण केसीको जन्मदिनमा मानव सेवा आश्रमलाई २५ हजार सहयोग

समाचार

गृहपृष्ठ
समाचार
पोषण केसीको जन्मदिनमा मानव सेवा आश्रमलाई २५ हजार सहयोग

पोषण केसीको जन्मदिनमा मानव सेवा आश्रमलाई २५ हजार सहयोग

मंगलबार, असार ३०, २०८३ बागेश्वरी पोस्ट

काठमाडौं । नेपाली कांग्रेसका नेता पोषण केसीको जन्मदिनको अवसर पारेर नेपाल कुशवाहा कल्याण समाजले मानव सेवा आश्रमलाई २५ हजार रुपैयाँ आर्थिक सहयोग गरेको छ ।

समाजका केन्द्रीय सचिव भरत महतोका अनुसार मंगलबार काठमाडौं महानगरसँग जोडिएको नागार्जुन नगरपालिका–१, रानीवनस्थित मानव सेवा आश्रममा आयोजित कार्यक्रममा उक्त सहयोग हस्तान्तरण गरिएको हो ।

सहयोग हस्तान्तरण कार्यक्रममा नेता केसीसँगै नेपाल कुशवाहा कल्याण समाजका केन्द्रीय अध्यक्ष राकेश मेहता, केन्द्रीय सचिव भरत महतो, केन्द्रीय कोषाध्यक्ष अरुणकुमार महतो तथा केन्द्रीय सदस्य राजु कुशवाहाको उपस्थिति रहेको थियो । केसी नेपाल पत्रकार महासंघका पूर्व महासचिव हुन् भने हाल उनी नेपाली कांग्रेस बाँके क्षेत्र नम्बर १ का क्षेत्रीय सभापति हुन् ।

समाजले जन्मदिनलाई तडकभडकका साथ मनाउनु भन्दा सामाजिक उत्तरदायित्व निर्वाह गर्दै मानव सेवामा समर्पित संस्थालाई सहयोग गर्ने उद्देश्यले आर्थिक सहयोग प्रदान गरिएको जनाएको छ । साथै, जन्मदिनलाई सामाजिक सेवासँग जोड्दै मानवता प्रवर्द्धन गर्ने सन्देश प्रवाह गर्न सहयोग गरिएको समाजको भनाइ छ ।

मानव सेवा आश्रमले सडक आश्रित, असहाय तथा बेसहारा नागरिकको उद्धार, संरक्षण र पुनःस्थापनाका क्षेत्रमा लामो समयदेखि सेवा प्रदान गर्दै आएको छ ।

प्रकाशित मिति: मंगलबार, असार ३०, २०८३ २०:५७

प्रतिक्रिया दिनुहोस्