जन्मदिनमा केसीद्वारा मानव सेवा आश्रमलाई भोजन सेवाका लागि २५ हजार सहयोग

समाचार

गृहपृष्ठ
समाचार
जन्मदिनमा केसीद्वारा मानव सेवा आश्रमलाई भोजन सेवाका लागि २५ हजार सहयोग

जन्मदिनमा केसीद्वारा मानव सेवा आश्रमलाई भोजन सेवाका लागि २५ हजार सहयोग

मंगलबार, असार ३०, २०८३ बागेश्वरी पोस्ट

काठमाडौं । नेपाली कांग्रेसका नेता पोषण केसीले आफ्नो जन्मदिनको अवसरमा मानव सेवा आश्रमलाई २५ हजार रुपैयाँ आर्थिक सहयोग प्रदान गरेका छन् ।

मंगलबार काठमाडौं महानगरसँग जोडिएको नागार्जुन नगरपालिका–१, रानीवनस्थित मानव सेवा आश्रममा आयोजित कार्यक्रममा नेता केसीले आश्रमलाई २५ हजार रुपैयाँ आर्थिक सहयोग हस्तान्तरण गरेका हुन् । आश्रममा आश्रित ३५० जनालाई भोजन सेवाका लागि उनले सो सहयोग रकम प्रदान गरेका हुन् । केसी आफ्नी धर्मपत्नी शोभा सुवेदी केसीसंगै त्यहाँ पुगेका थिए ।

May be an image of one or more people and table

भोजन सेवा कार्यक्रममा नेपाल कुशवाहा कल्याण समाजका केन्द्रीय अध्यक्ष राकेश मेहता, केन्द्रीय सचिव भरत महतो, केन्द्रीय कोषाध्यक्ष अरुणकुमार महतो तथा केन्द्रीय सदस्य राजु कुशवाहा लगायतको सहभागिता रहेको थियो ।

नेपाल पत्रकार महासंघका पूर्व महासचिव समेत रहेका केसी हाल नेपाली कांग्रेस बाँके क्षेत्र नम्बर १ का क्षेत्रीय सभापति हुन् ।

जन्मदिनलाई तडकभडकका साथ मनाउनुको सट्टा सामाजिक उत्तरदायित्व निर्वाह गर्दै मानव सेवामा समर्पित संस्थालाई सहयोग गर्ने उद्देश्यले आर्थिक सहयोग प्रदान गरेको उनको भनाई छ । जन्मदिनलाई सामाजिक सेवासँग जोडेर मानवता प्रवर्द्धन गर्ने सन्देश दिन सहयोग गरिएको केसीले बताए ।

मानव सेवा आश्रमले सडक आश्रित, असहाय तथा बेसहारा नागरिकको उद्धार, संरक्षण र पुनःस्थापनाका क्षेत्रमा लामो समयदेखि सेवा प्रदान गर्दै आएको छ ।

May be an image of one or more people and people studying