नेपालगञ्जमा पुनर्निर्मित सालिकहरूको अनावरण शनिबार

समाचार

गृहपृष्ठ
समाचार
नेपालगञ्जमा पुनर्निर्मित सालिकहरूको अनावरण शनिबार

नेपालगञ्जमा पुनर्निर्मित सालिकहरूको अनावरण शनिबार

बिहीबार, साउन ७, २०८३ बागेश्वरी पोस्ट

नेपालगञ्ज । नेपालगञ्जमा पुनर्निर्मित सालिकहरूको अनावरण शनिबार गरिने भएको छ । नगर प्रमुख प्रशान्त विष्टका अनुसार नेपालगञ्ज उपमहानगरपालिकाले देश र समाजका लागि उल्लेखनीय योगदान पुर्‍याएका अमर शहीद तथा महान् राजनीतिक, सामाजिक र ऐतिहासिक व्यक्तित्वहरूको पुनर्निर्मित सालिक अनावरण कार्यक्रम शनिवार आयोजना गरिएको छ ।

विभिन्न आन्दोलनका क्रममा क्षतिग्रस्त बनाइएका सालिकहरुको नेपालगञ्ज उपमहानगरपालिकाले पुनर्निर्माण कार्य सम्पन्न गरिसकेको छ । पुनर्निर्माण सम्पन्न भएका सालिकहरूको अनावरण साउन ९ गते शनिबार बिहान सम्बन्धित स्थानमा गरिनेछ । कार्यक्रममा सञ्चारकर्मी, जनप्रतिनिधि, सरोकारवाला तथा विशिष्ट व्यक्तिहरूको उपस्थितिका लागि आग्रह गरिएको छ ।

अनावरण कार्यक्रमको तालिका यसप्रकार रहेको छ–

बिहान ८.०० बजे – स्व. सुशील कोइरालाको सालिक
बिहान ८.१५ बजे – स्व. गणेशमान सिंहको सालिक (गणेशमान चोक)
बिहान ८.३० बजे – स्व. विश्वेश्वर प्रसाद (बीपी) कोइरालाको सालिक (बीपी चोक)
बिहान ८.४५ बजे – स्व. वीरेन्द्र वीर विक्रम शाहको सालिक (वीरेन्द्र चोक)
बिहान ९.०० बजे – स्व. पुष्पलाल श्रेष्ठको सालिक (पुष्पलाल चोक)
बिहान ९.१५ बजे – स्व. सेतु विकको सालिक (सेतु विक चोक)

प्रकाशित मिति: बिहीबार, साउन ७, २०८३ १६:१२

प्रतिक्रिया दिनुहोस्