कोहलपुरमा सेप्टिक ट्यांकीमा फसेका तीन जना कामदारको मृत्यु

समाचार

गृहपृष्ठ
समाचार
कोहलपुरमा सेप्टिक ट्यांकीमा फसेका तीन जना कामदारको मृत्यु

कोहलपुरमा सेप्टिक ट्यांकीमा फसेका तीन जना कामदारको मृत्यु

बुधबार, साउन १३, २०८३ बागेश्वरी पोस्ट

नेपालगञ्ज । कोहलपुरमा सेप्टिक ट्यांकीमा फसेका तीन जना कामदारको मृत्यु भएको छ । कोहलपुर नगरपालिका वडा नम्बर ३ शान्ति टोलस्थित दया प्रसाद थारुको घरको आँगनमा निर्माण भइरहेको सेप्टिक ट्यांकीमा आज बिहान करिब ९ बजे काम गरिरहेका तीन जना कामदार फसेका थिए । घटनामा संलग्न तीनै कामदारको मृत्यु भएको इलाका प्रहरी कार्यालय कोहलपुरले जनाएको छ ।

मृत्यु हुनेहरूमा कोहलपुर नगरपालिका वडा नम्बर ३ का ४२ वर्षीय कालु थारु, २७ वर्षीय प्रकाश थारु र ३४ वर्षीय विर्जा थारु रहेका छन् । प्रहरीका अनुसार, उनीहरू सेप्टिक ट्यांकीमा काम गरिरहेको बेला नै फसेका थिए । प्रहरी टोलीले घटनास्थल पुगेपछि तत्कालै उद्धार कार्य शुरू गरेको थियो । इलाका प्रहरी कार्यालय कोहलपुरका प्रमुख, प्रहरी नायब उपरीक्षक चक्र डमरपालको नेतृत्वमा १५ जनाको प्रहरी टोलीले जेसिबीको मद्दतले सेप्टिक ट्यांकी फुटाएर ती कामदारलाई मृत अवस्थामा बाहिर निकालेको हो ।

शवहरूलाई पोष्टमार्टमको लागि भेरी अस्पताल ल्याइएको छ । घटनाको विस्तृत अनुसन्धान भइरहेको प्रहरीले जनाएको छ ।

प्रकाशित मिति: बुधबार, साउन १३, २०८३ १२:१७

प्रतिक्रिया दिनुहोस्