भोटे कोशी 'भीमकाय' बाढीः बाँकेका २७ जना सम्पर्कविहीन (अपडेट)

समाचार

गृहपृष्ठ
समाचार
भोटे कोशी 'भीमकाय' बाढीः बाँकेका २७ जना सम्पर्कविहीन (अपडेट)

भोटे कोशी 'भीमकाय' बाढीः बाँकेका २७ जना सम्पर्कविहीन (अपडेट)

बिहीबार, भदौ ११, २०८३ बागेश्वरी पोस्ट

नेपालगन्ज । भोटेकोशी नदीमा आएको विनाशकारी बाढीपछि बाढी प्रभावित क्षेत्रमा रहेका बाँकेका २७ जना सम्पर्कविहीन भएका छन् ।

जिल्ला प्रशासन कार्यालय बाँकेका अनुसार सम्पर्कविहीन हुनेमा १४ जना पुरुष र १३ जना महिला रहेका छन् । त्यसमा दुई जना भारतीय, २० जना बाँकेका स्थायी र ५ जना अस्थायी बासिन्दा रहेको सहायक प्रमुख जिल्ला अधिकारी महेश कुमार गुरुङले जानकारी दिए ।

बाढीपछि प्रभावित क्षेत्रमा रहेका आफन्त तथा परिवारजनसँग सम्पर्क हुन नसकेको भन्दै जिल्ला प्रशासन कार्यालयमा प्राप्त विवरणका आधारमा उनीहरू सम्पर्कविहीन भएको जनाइएको हो । बेपत्ता भएका सबैको खोजी तथा अवस्थाबारे जानकारी संकलन गर्ने कार्य भइरहेको सहायक प्रमुख जिल्ला अधिकारी गुरुङले बताए ।

भोटेकोशीमा आएको आकस्मिक तथा अत्यन्त शक्तिशाली बाढीले रसुवा, नुवाकोट र धादिङसहितका क्षेत्रमा ठूलो जनधनको क्षति पुर्‍याएको छ । बाढीका कारण विभिन्न बस्ती, सडक, पुल, जलविद्युत् आयोजना तथा अन्य भौतिक संरचनामा समेत व्यापक क्षति पुगेको छ ।

बाढी प्रभावित क्षेत्रमा नेपाली सेना, नेपाल प्रहरी र सशस्त्र प्रहरीसहितका सुरक्षा निकायले खोज तथा उद्धार अभियानलाई निरन्तरता दिएका छन् ।

प्रकाशित मिति: बिहीबार, भदौ ११, २०८३ २०:४६

प्रतिक्रिया दिनुहोस्