भोटेकोशी नदीमा आएको बाढीपछि लुम्बिनी प्रदेशका १७८ जना सम्पर्कविहीन

समाचार

गृहपृष्ठ
समाचार
भोटेकोशी नदीमा आएको बाढीपछि लुम्बिनी प्रदेशका १७८ जना सम्पर्कविहीन

भोटेकोशी नदीमा आएको बाढीपछि लुम्बिनी प्रदेशका १७८ जना सम्पर्कविहीन

शुक्रबार, भदौ १२, २०८३ बागेश्वरी पोस्ट

नेपालगञ्ज । भदौ १० गते भोटेकोशी नदीमा आएको बाढीपछि लुम्बिनी प्रदेशका विभिन्न जिल्लाका १७८ जना सम्पर्कविहीन भएका छन् । बाढीका कारण सबैभन्दा बढी रुपन्देहीका ४१ जना सम्पर्कविहीन भएको विवरण प्राप्त भएको छ ।

दाङमा ३५, बाँकेमा २१, रुकुम पूर्वमा १५, रोल्पामा १४, प्यूठानमा ९, पाल्पामा ९ र अर्घाखाँचीमा ९ जना सम्पर्कविहीन रहेको लुम्बिनी प्रदेश आपतकालीन कार्यसञ्चालन केन्द्रका नवराज रेश्मीले जानकारी दिए । त्यस्तै बर्दियामा ८, गुल्मीमा ७, नवलपरासी पश्चिममा ६ र कपिलवस्तुमा ४ जना सम्पर्कविहीन रेश्मीले बताए । हराइरहेका मध्ये दाङका २ जना सम्पर्कमा आएको जनाइएको छ ।

बाढीपछि सम्पर्कविहीन भएकाहरूको खोजी तथा उद्धारका लागि सम्बन्धित निकायले आवश्यक पहल गरिरहेको छ । बाढी प्रभावित क्षेत्रमा जनधनको क्षतिको विवरण संकलन गर्ने तथा उद्धार र राहत कार्यलाई तीव्रता दिने काम भइरहेको छ ।सम्पर्कविहीनको संख्या थप बढ्न सक्ने भएकाले सम्बन्धित निकायले घटनाको विवरण अद्यावधिक गरिरहेको जनाएको छ ।

प्रकाशित मिति: शुक्रबार, भदौ १२, २०८३ १२:२५

प्रतिक्रिया दिनुहोस्