बगेर गएका ७ वटा शव भारतको महाराजगञ्जमा भेटिए, नेपाल प्रशासनलाई भारतले गरायो जानकारी

समाचार

गृहपृष्ठ
समाचार
बगेर गएका ७ वटा शव भारतको महाराजगञ्जमा भेटिए, नेपाल प्रशासनलाई भारतले गरायो जानकारी

बगेर गएका ७ वटा शव भारतको महाराजगञ्जमा भेटिए, नेपाल प्रशासनलाई भारतले गरायो जानकारी

शुक्रबार, भदौ १२, २०८३ बागेश्वरी पोस्ट

नेपालगञ्ज । रसुवाको भोटेकोशीमा आएको विनाशकारी बाढीपछि बाढीको पानीसँगै बगेर भारत पुगेका ७ जनाको शव भारतीय सुरक्षाकर्मीले फेला पारेका छन् । भारतको उत्तर प्रदेशस्थित महाराजगञ्जको गण्डक नदीबाट बिहीबार ४ तथा कुशीनगरको नारायणी नदीबाट ३ वटा शव निकालिएको हो ।

महाराजगञ्जमा फेला परेका ४ शवमध्ये ३ महिला र एक पुरुष रहेको नायब तहसीलदार निचलौल पीयूषकुमार जायसवालले बताएका छन् । उनका अनुसार एक शव नारायणी नदीको बनकेसिया नजिक तथा तीन शव टेलफाल ठोकर नम्बर १ नजिक नदीमा बगिरहेको अवस्थामा एसडीआरएफको टोलीले देखेको थियो । स्टिमरको सहायताले ती शव निकालिएको हो ।

फेला परेका चारै शव नेपाली नागरिकको हुन सक्ने आशंका गरिएको छ । यस्तै, कुशीनगरको नारायणी नदीमा बाढीको पानीसँगै बगेर आएका तीन शव पनि एसडीआरएफको टोलीले फेला पारेको छ । ती शवलाई पहिचान तथा आवश्यक कानुनी प्रक्रियाका लागि ७२ घण्टासम्म मोर्चरीमा राखिएको भारतीय प्रहरीले जनाएको छ ।

यसैबीच, केही शव पनियहवा पुलमुनिबाट बगेर बिहारतर्फ पुगेको हुन सक्ने सम्भावना समेत अधिकारीहरूले बताएका छन् । भारतमा बरामद भएका सातै शवको पहिचान तथा थप कारबाहीका लागि भारतीय प्रशासनले नेपालका सम्बन्धित प्रशासनिक अधिकारीलाई जानकारी गराइरहेको जनाएको छ ।

प्रकाशित मिति: शुक्रबार, भदौ १२, २०८३ १२:३३

प्रतिक्रिया दिनुहोस्