भोटेकोशी बाढी अपडेट: ७९४ शव फेला, उद्धार र खोजी तीव्र

समाचार

गृहपृष्ठ
समाचार
भोटेकोशी बाढी अपडेट: ७९४ शव फेला, उद्धार र खोजी तीव्र

भोटेकोशी बाढी अपडेट: ७९४ शव फेला, उद्धार र खोजी तीव्र

आइतबार, भदौ १४, २०८३ बागेश्वरी पोस्ट

काठमाडौं । रसुवाको भोटेकोशी विनाशकारी बाढीपछि प्रभावित विभिन्न जिल्लामा आइतबार साँझसम्म ७ सय ९४ जनाको शव फेला परेको छ । प्रहरीका अनुसार फेला परेका शवमध्ये रसुवामा १३, नुवाकोटमा ५२, धादिङमा ५०, चितवनमा २६४, गोरखामा ६१, तनहुँमा ३७, नवलपरासी पूर्वमा १९७ र नवलपरासी पश्चिममा १२० जना रहेका छन् ।

बाढी तथा अन्य विपद्का कारण जोखिममा परेका परिवारलाई प्रहरीले सुरक्षित स्थानमा स्थानान्तरण गरिरहेको छ । प्रभावित क्षेत्रमा स्थानीयवासी तथा विभिन्न निकायसँग समन्वय र सहकार्य गर्दै खोज तथा उद्धार अभियानलाई निरन्तरता दिइएको प्रहरीले जनाएको छ । त्यसैगरी, बाढी तथा पहिरोका कारण विभिन्न स्थानमा अवरुद्ध भएका सडक तथा बाटो खुलाउने काम समेत जारी छ ।

प्रहरीले आवश्यक जनशक्ति परिचालन गरी अवरुद्ध मार्ग सञ्चालनमा ल्याउने तथा विपद्मा परेका नागरिकलाई तत्काल सहयोग गर्ने कार्य गरिरहेको जनाएको छ । विपद्को जोखिम कायमै रहेकाले उद्धार तथा खोजी कार्यसँगै प्रभावित नागरिकलाई सुरक्षित स्थानमा राख्ने र आवश्यक राहत तथा सहयोग उपलब्ध गराउने कार्यलाई समेत प्राथमिकतामा राखिएको प्रहरीले जनाएको छ ।

प्रकाशित मिति: आइतबार, भदौ १४, २०८३ २१:१३

प्रतिक्रिया दिनुहोस्