बाँकेमा ६ हजार बढी किशोरीलाई 'एचपीभी खोप' लगाइँदै

स्वास्थ्य

गृहपृष्ठ
स्वास्थ्य
बाँकेमा ६ हजार बढी किशोरीलाई 'एचपीभी खोप' लगाइँदै

बाँकेमा ६ हजार बढी किशोरीलाई 'एचपीभी खोप' लगाइँदै

मंगलबार, भदौ १६, २०८३ बागेश्वरी पोस्ट

नेपालगञ्ज । बाँकेमा ६ हजार भन्दा बढी किशोरीलाई लक्षित गरी एचपीभी (ह्युमन प्यापिलोमा भाइरस) विरुद्धको खोप अभियान सञ्चालन गरिने भएको छ । अभियान अन्तर्गत आगामी भदौ ३० गतेदेखि खोप लगाउन सुरु गरिने भएको हो ।

जिल्ला खोप समन्वय समितिका अध्यक्ष एवं जिल्ला समन्वय समिति बाँकेका प्रमुख ज्ञानेन्द्रकुमार चौधरीको अध्यक्षतामा बसेको बैठकले खोप अभियान सञ्चालन गर्ने निर्णय गरेको हो ।

स्वास्थ्य कार्यालय बाँकेका प्रमुख सुनिता पौडेलका अनुसार खोप अभियानको सुरुआत विद्यालयबाट गरिनेछ । विद्यालयमा कक्षा ६ मा अध्ययनरत किशोरीलाई प्राथमिकतामा राखेर खोप लगाइनेछ । त्यसपछि समुदायस्तरका १० बर्षका किशोरीलाई खोप लगाइने पौडेलले बताइन् ।

बैठकमा खोप अभियानलाई प्रभावकारी बनाउन स्थानीय तह, विद्यालय तथा सम्बन्धित स्वास्थ्य संस्थाबीच समन्वय गरी आवश्यक तयारी गर्ने विषयमा समेत छलफल भएको छ । बाँकेमा ८ ओटै पालिकामा खोप अभियान सञ्चालन गरिनेछ ।

पाठेघरको मुखको क्यान्सरबाट बचाउन एचपीभी खोप लगाइन्छ । एचपीभी भाइरसका केही प्रकारले पछि गएर पाठेघरको मुखको क्यान्सर गराउन सक्छन् । किशोरी अवस्थामा, भाइरसको सम्पर्कमा आउनु अघि खोप लगाउँदा सबैभन्दा राम्रो सुरक्षा प्राप्त हुन्छ । यो रोकथामका लागि दिइने खोप हो ।

प्रकाशित मिति: मंगलबार, भदौ १६, २०८३ १४:००

प्रतिक्रिया दिनुहोस्