१ हजार १ सय २७ जनाको शव फेला

समाचार

गृहपृष्ठ
समाचार
१ हजार १ सय २७ जनाको शव फेला

१ हजार १ सय २७ जनाको शव फेला

बुधबार, भदौ १७, २०८३ बागेश्वरी पोस्ट

काठमाडौं । रसुवाको भोटेकोशीमा आएको विनाशकारी बाढीका कारण हालसम्म १ हजार १ सय २७ जनाको शव फेला परेको छ । नेपाल प्रहरीका अनुसार बुधबार बिहान ५ बजेसम्म विभिन्न जिल्लामा खोज तथा उद्धारका क्रममा ती शव फेला परेका हुन् ।

प्रहरीका अनुसार रसुवामा ४५, नुवाकोटमा १५५, धादिङमा ५९, चितवनमा ३४८, गोरखामा ६६, तनहुँमा ३८, नवलपरासी पूर्वमा २१७, नवलपरासी पश्चिममा १९० र भारतमा ९ जनाको शव फेला परेको छ ।

फेला परेका शवमध्ये १ हजार १ सय १३ जनाको लाश जाँच मुचुल्का सम्पन्न भएको छ भने ९५ वटा शव आफन्तलाई बुझाइएको छ । पहिचान हुन नसकेका ९ सय ११ शवको विवरण नेपाल प्रहरीको वेबसाइटमा राखिएको छ ।

बाढी प्रभावित क्षेत्रमा उद्धार, खोजी, राहत वितरण र शव व्यवस्थापनका लागि ७ हजार ९ सय १२ प्रहरी परिचालन गरिएको छ । हालसम्म ६ हजार ५ सय ४१ जनाको उद्धार गरिएको प्रहरीले जनाएको छ । यस्तै, बाढीपछि बेपत्ता रहेका ४ हजार ८ सय ५८ जनाको खोजी कार्य जारी रहेको प्रहरीले जनाएको छ ।

प्रकाशित मिति: बुधबार, भदौ १७, २०८३ ०७:५३

प्रतिक्रिया दिनुहोस्