नरैनापुरले सञ्चालन गरेको क्वारेन्टाइनमा १ सय १८ जना पुगे

समाचार

गृहपृष्ठ
समाचार
नरैनापुरले सञ्चालन गरेको क्वारेन्टाइनमा १ सय १८ जना पुगे

नरैनापुरले सञ्चालन गरेको क्वारेन्टाइनमा १ सय १८ जना पुगे

रेडक्रसद्वारा सामाग्री सहयोग

सोमबार, चैत १७, २०७६ बागेश्वरी पोस्ट

नरैनापुर(बाँके) । बाँकेको नरैनापुर गाउँपालिकाले सञ्चालन गरेको क्वारेन्टाइनमा अहिलेसम्म १ सय २८ जना पुगेका छन् ।

भोजपुरको जयकिसान माविमा ९२ जना र नेपालगञ्जको एक होटलमा २६ जना गरी १ सय १८ जना क्वारेन्टाइनमा छन् । आज अबेर साँझ मात्रै भारतबाट मजदुरी गरेर आएका थप १८ जनालाई जयकिसानस्थित क्वारेन्टाइनमा राखिएको गाउँपालिकाका अध्यक्ष इस्तियाक अहमद शाहले बताउनुभयो ।

‘कसैलाई पनि बसाईं र खानपिनमा अप्ठेरो नहोस् भनेर हामीले निरिक्षण गरेका छौं, उहाँहरु सबै स्वास्थ्यकर्मीको निगरानीमा हुनुहुन्छ, स्वस्थ नै हुनुहुन्छ तर १४ दिन क्वारेन्टाइनमा राख्नुपर्ने भएकाले बसाएका छौं,’ अध्यक्ष शाहले भन्नुभयो । उहाँले मजदुरी गर्न गएका नरैनापुरका स्थानीय भारतबाट आउने क्रम जारी नै रहेकाले व्यवस्थापनमा चुनौति भएपनि उचित प्रबन्ध मिलाउने पर्यत्न गरिरहेको बताउनुभयो ।

स्वास्थ्य शाखा प्रमुख मोइन खाँले विभिन्न चुनौतिका बाबजुद् गाउँपालिकामा पछिल्लो समय बाहिरी देशबाट आएका स्थानीयको खोजी गरी गाउँपालिकाको क्वारेन्टाइन वा घरमै आइसोलेशनमा बस्ने गरी व्यवस्थापन गरिएको बताउनुभयो । स्वास्थ्य शाखा उपप्रमुख नागेन्द्र कुमार शाहले वडा नम्बर ४ खोदवाँस्थित नेपाल राष्ट्रिय प्राथमिक विद्यालयमा रहेको क्वारेन्टाइनमा भारतबाट आएका चार जनालाई आज स्वास्थ्य चेकजाँच गर्दा अवस्था सामान्य भएकाले होम क्वारेन्टाइनमा बस्ने गरी पठाइएको बताउनुभयो ।

यसैबीच नरैनापुर गाउँपालिकामा सञ्चालित क्वारेन्टाइनका लागि नेपाल रेडक्रस सोसाइटी बाँके शाखाले विभिन्न सामग्री सहयोग गरेको छ । नेपालगञ्जमा आज रेडक्रसले गाउँपालिकाका अध्यक्ष शाहलाई विभिन्न सामग्री हस्तान्तरण गरेको हो ।

पछिल्लो समय भारतबाट आएका ठूलो संख्याका स्थानीयलाई वडा नम्बर ६ स्थित जयकिसान माविमा क्वारेन्टाइन बनाएर राखिएपछि सामग्रीको अभाव भएका बेला रेडक्रसको सहयोगले सहज भएको अध्यक्ष शाहले बताउनुभयो । रेडक्रसले कम्बल, झुल र मेट २५/२५ थान तथा मग, साबुन र बाल्टी ५/५ थान र त्रिपाल १० थान सहयोग गरेको छ ।

प्रकाशित मिति: सोमबार, चैत १७, २०७६ २१:२३

प्रतिक्रिया दिनुहोस्