भोटेकोशी बाढीपीडितलाई बाँकेबाट २४ लाख सहयोग

समाचार

गृहपृष्ठ
समाचार
भोटेकोशी बाढीपीडितलाई बाँकेबाट २४ लाख सहयोग

भोटेकोशी बाढीपीडितलाई बाँकेबाट २४ लाख सहयोग

शुक्रबार, भदौ १९, २०८३ बागेश्वरी पोस्ट

राहत रकमको विवरण उपलब्ध गराउँदै नेपालगञ्ज उद्योग बाणिज्य संघको नवनिर्वाचित टिम

नेपालगञ्ज । भोटेकोशी नदीमा आएको विनाशकारी बाढीबाट प्रभावित नागरिकको उद्धार, राहत तथा पुनःस्थापनाका लागि बाँकेबाट प्रधानमन्त्री दैवी प्रकोप उद्धार कोषमा २४ लाख ३७ हजार २ सय ७४ रुपैयाँ सहयोग जम्मा भएको छ । जिल्ला प्रशासन कार्यालय बाँकेमा प्राप्त विवरण अनुसार विभिन्न २१ संघसंस्था, विद्यालय, व्यवसायिक प्रतिष्ठान तथा व्यक्तिले स्वस्फूर्त रूपमा उक्त रकम सहयोग गरेका हुन् ।

कार्यालयका अनुसार गोर्खा स्कुलले १ लाख रुपैयाँ, नेपाल ज्वेलर्सले २ लाख ११ हजार रुपैयाँ, सन्तोष ज्वेलर्सले १ लाख १ सय रुपैयाँ र राजा खानले १ लाख रुपैयाँ सहयोग गरेका छन् । त्यस्तै मोहमद सफिक बेहनाबाट १ लाख ५१ हजार १ सय रुपैयाँ, ओलमा फाउन्डेशन नेपालले विभिन्न मस्जिदबाट संकलन गरेको १ लाख ५८ हजार २ सय ३६ रुपैयाँ, सञ्चारिका समूह नेपाल बाँके शाखाबाट २० हजार १ सय ५ रुपैयाँ तथा नेपाली मस्जिद तब्लिगी सञ्चालक समितिबाट ४० हजार रुपैयाँ सहयोग प्राप्त भएको छ ।

यसैगरी लाइफलाइन जनरल हस्पिटलबाट ७५ हजार रुपैयाँ, निलु रेग्मी, मुक्ता रेग्मी र अनिशा रेग्मीबाट २५ हजार रुपैयाँ तथा ओलमा फाउन्डेशन नेपालले विभिन्न मस्जिदबाट संकलन गरेको थप १ लाख ३० हजार ९ सय रुपैयाँ कोषमा जम्मा भएको विवरणमा उल्लेख छ । त्यस्तै सुनाखरी रेष्टुरेन्टबाट ५१ हजार रुपैयाँ, रमा शंकर गुप्ताबाट १ लाख ११ हजार रुपैयाँ, नेपाल पत्रकार महासंघ बाँकेबाट ५१ हजार रुपैयाँ र नेपालगञ्ज उद्योग वाणिज्य संघबाट ६ लाख १ हजार रुपैयाँ सहयोग प्राप्त भएको छ ।

यसैगरी आदर्श मावि नेपालगञ्ज–१० बाट २ लाख ३४ हजार ५ सय ४० रुपैयाँ, नेपालगञ्ज बहुमुखी क्याम्पसबाट ४२ हजार ६ सय ८२ रुपैयाँ, साइना क्याफेबाट १ लाख १ सय ११ रुपैयाँ, बाँके कला केन्द्र नेपालगञ्जबाट ५१ हजार रुपैयाँ, मंगल प्रसाद नमुना मावि नेपालगञ्जबाट ३२ हजार ५ सय रुपैयाँ तथा नेपाल एसोसिएसन अफ टुर एण्ड ट्राभल एजेन्ट्स (नाट्टा) बाट ५१ हजार रुपैयाँ सहयोग प्राप्त भएको जिल्ला प्रशासन कार्यालय बाँकेले जनाएको छ ।

प्रमुख जिल्ला अधिकारी दिलकुमार तामाङका अनुसार विपद्मा परेका नागरिकको उद्धार तथा राहतका लागि बाँकेबाट विभिन्न क्षेत्रका व्यक्ति तथा संघसंस्थाले उल्लेख्य सहयोग गरेका छन् । उनले प्राप्त सहयोग रकम प्रधानमन्त्री दैवी प्रकोप उद्धार कोषमार्फत प्रभावित नागरिकको राहत तथा पुनःस्थापनामा उपयोग हुने बताए ।

बाँकेबाट सबैभन्दा ठूलो सहयोग नेपालगञ्ज उद्योग वाणिज्य संघले ६ लाख १ हजार रुपैयाँ प्रदान गरेको छ । त्यसपछि नेपाल ज्वेलर्सबाट २ लाख ११ हजार रुपैयाँ तथा विभिन्न मस्जिदबाट संकलित रकम उल्लेख्य रहेको छ । जिल्ला प्रशासनमा उपलब्ध सहयोग बाहेक पनि विभिन्न संघसंस्था र नागरिक तहबाट स्वस्फूर्त रुपमा प्रधानमन्त्री दैवी प्रकोप उद्धार कोषमा उल्लेख्य राहत रकम जम्मा भएको छ ।

भोटेकोशी बाढीबाट ठूलो जनधनको क्षति भएपछि प्रभावितको उद्धार, राहत तथा पुनःस्थापनाका लागि देशका विभिन्न ठाउँबाट सहयोग जुटिरहेको छ ।

प्रकाशित मिति: शुक्रबार, भदौ १९, २०८३ १८:२७

प्रतिक्रिया दिनुहोस्