बाँकेमा २१९ जना क्वारेन्टाइनमा,सबैभन्दा बढी नरैनापुरमा

समाचार

गृहपृष्ठ
समाचार
बाँकेमा २१९ जना क्वारेन्टाइनमा,सबैभन्दा बढी नरैनापुरमा

बाँकेमा २१९ जना क्वारेन्टाइनमा,सबैभन्दा बढी नरैनापुरमा

मंगलबार, चैत १८, २०७६ बागेश्वरी पोस्ट

नेपालगन्ज । बाँकेका ८ वटै स्थानीय तहमा स्थापना गरिएका क्वारेन्टाइनहरुमा अहिलेसम्म २ सय १९ जनालाई राखिएको छ ।

होम क्वारेन्टाइनमा भने ४८ जना छन् । सबैभन्दा बढी नरैनापुर गाउँपालिकामा १ सय २३ जना क्वारेन्टाइनमा छन् भने डुडुवामा कसैलाई पनि राखिएको छैन ।

त्यस्तै खजुरा गाउँपालिकामा ६४, नेपालगन्ज उपमहानगरपालिकामा १३, कोहलपुर नगरपालिकामा १, जानकीमा १४, बैजनाथमा २ र राप्तीसोनारीमा २ जना क्वारेन्टाइनमा रहेको स्वास्थ्य कार्यालय बाँकेले जनाएको छ ।

त्यसैगरी खजुरामा ३२, डुडुवामा १५ र राप्तीसोनारीमा १ जना होम क्वारेन्टाइनमा छन् । क्वारेन्टाइनमा बसेका मध्ये अहिलेसम्म नेपालगन्जबाट ९ तथा खजुरा र जानकीबाट ४/४ जना बहिरिएका स्वास्थ्य कार्यालय बाँकेले जनाएको छ।

प्रकाशित मिति: मंगलबार, चैत १८, २०७६ १८:१६

प्रतिक्रिया दिनुहोस्