प्रहरी हिरासतमा एक जना मृत, तीन जना थुनुवा फरार

समाचार

गृहपृष्ठ
समाचार
प्रहरी हिरासतमा एक जना मृत, तीन जना थुनुवा फरार

प्रहरी हिरासतमा एक जना मृत, तीन जना थुनुवा फरार

बिहीबार, चैत २०, २०७६ बागेश्वरी पोस्ट

फाइल फोटो

कपिलवस्तु ।कपिलवस्तुमा प्रहरी हिरासतमा एक जना ब्यक्ति मृत फेला परेका छन् ।

छोरीलाई बलात्कार गरेको आरोपमा पक्राउ परेका वाणगंगा नगरपालिकाकाका उक्त अभियुक्तले ईलाका प्रहरी कार्यालय पिपराको शौचालयमा आत्महत्या गरेका हुन् ।शौचालयको भेन्टिलेटरमा गएराती तन्ना बेरेर आत्महत्या गरेको प्रहरी निरीक्षक आयुशप्रसाद जोशीले बताए।

सुर्खेतमा प्रहरी हिरासतबाट तीन जना फरार

त्यस्तै, सुर्खेतमा प्रहरी हिरासतमा तीन जना थुनुवा फरार भएका छन् । राति करिब १ बजेतिर थुनुवा कक्षको झ्याल उप्काएर उनीहरु फरार भएका हुन् ।

प्रदेश प्रहरी कार्यालयका प्रवक्ता प्रहरी नायव उपरीक्षक लोकनाथ तिम्सिनाका अनुसार भाग्नेहरुमा भेरी गंगा नगरपालिका घर भई हाल वीरेन्द्रनगर-११ बस्ने २१ वर्षीय सन्देश कसेरा, वीरेन्द्रनगर–६ का २६ वर्षीय रोशनराज रेग्मी र वीरेन्द्रनगर–३ का २० वर्षीय सुनिल थारु रहेका छन्।

उनीहरु तीनै जना लागूऔषध कारोबार अभियोगमा पक्राउ परेको डिएसपी तिम्सिनाले जानकारी दिए । कसेरा २०७६ फागुन २५ गते पक्राउ परेका थिए भने थारु र रेग्मी चैत १६ गते पक्राउ परेका थिए।उनीहरुको खोजी कार्य जारी रहेको प्रहरीले जानकारी दिएको छ।

प्रकाशित मिति: बिहीबार, चैत २०, २०७६ १२:४८

प्रतिक्रिया दिनुहोस्