भारतीय क्वारेन्टाइनमा जान मानेनन् नेपाली, ४ दिनदेखि बाँकेको दशगजामै अलपत्र

समाचार

गृहपृष्ठ
समाचार
भारतीय क्वारेन्टाइनमा जान मानेनन् नेपाली, ४ दिनदेखि बाँकेको दशगजामै अलपत्र

भारतीय क्वारेन्टाइनमा जान मानेनन् नेपाली, ४ दिनदेखि बाँकेको दशगजामै अलपत्र

बिहीबार, चैत २०, २०७६ बागेश्वरी पोस्ट

नेपालगन्ज, चैत २० । भारतबाट अवैध नाका भएर आएर बाँकेको दशगजा क्षेत्रमा बसेका १ सय ८१ जना नेपाली चार दिनदेखि अलपत्र छन् ।

हिजो बाँके र भारत बहराइचका सुरक्षा अधिकारी बीच नेपाल र भारतका क्वारेन्टाइनमा उनीहरुलाई राख्ने सहमति भएपनि भारतीय क्वारेन्टाइनमा उनीहरु जान नमानेर दशगजामै बसेको बाँकेका प्रहरी प्रमुख प्रहरी उपरीक्षक वीर बहादुर ओलीले बताउनुभयो ।

नेपालकै क्वारेन्टाइनमा बसाउनुपर्ने उनीहरुको भनाई छ । " उनीहरुलाई नानपारातिर बनाइएको क्वारेन्टाइनमा लैजान खोजिएको थियो, भारततिरबाट गाडी पनि आयो तर उनीहरु जान मानेनन्," प्रहरी प्रमुख ओलीले भन्नुभयो । नेपालगन्ज उपमहानगरपालिकाको ब्यवस्थापनमा उनीहरुलाई खाना भने खुवाइएको छ ।

ती मध्ये ९ जना महिला र बालबालिकालाई भने २ दिन अघि नै नेपालगन्जको महेन्द्र बहुमुखी क्याम्पसमा बनाइएको क्वारेन्टाइनमा राखिएको थियो ।

प्रकाशित मिति: बिहीबार, चैत २०, २०७६ १४:५८

प्रतिक्रिया दिनुहोस्