डेढ घण्टामै कोरोना परीक्षण गर्न मिल्ने पोर्टेवल पिसिआर मेसिन प्रदेश ५ लाई दिइएन

समाचार

गृहपृष्ठ
समाचार
डेढ घण्टामै कोरोना परीक्षण गर्न मिल्ने पोर्टेवल पिसिआर मेसिन प्रदेश ५ लाई दिइएन

डेढ घण्टामै कोरोना परीक्षण गर्न मिल्ने पोर्टेवल पिसिआर मेसिन प्रदेश ५ लाई दिइएन

बिहीबार, चैत २०, २०७६ बागेश्वरी पोस्ट

नेपालगन्ज । प्रदेश ५ बुटवल बाहेक सबै प्रदेशमा कोरोना परीक्षण सुरू भएको छ । सरकारले कोरोनाको परीक्षणको दायरालाई फराकिलो पार्नलाई चीनबाट पाँचवटा पोर्टेवल पिसिआर मेसिन ल्याएको थियो । डेढ घण्टामै कोरोना परीक्षण गर्न मिल्ने पोर्टेवल पिसिआर मेसिन पाँच वटा प्रदेशलाई वितरण गरेको छ ।

प्रदेश १ को धरानस्थित वीपी कोइराला स्वास्थ्य विज्ञान प्रतिष्ठानमा भने बुधबारबाटै परीक्षण सुरू भइसकेको छ। प्रयोगशालाले पहिलो लटमै १२ जनाको परीक्षण गरेकोमा सबैको नतिजा नेगेटिभ आएको थियो।

प्रदेश २ को जनकपुरमा पनि आजै मेसिन जडान गर्ने अनि परीक्षण सुरू गर्ने तयारी रहेकोछ।

गण्डकी प्रदेशको पोखरामा पनि बुधबार साँझदेखि परीक्षण सुरू गरिएको छ। सरकारले पोखरामा पनि चीनबाट ल्याएको पोर्टेवल पिसिआर नै दिएको थियो।

त्यस्तै, कर्णाली प्रदेशको सुर्खेतमा पनि आजैदेखि परीक्षण सुरू हुने भएको छ। पिसिआर मेसिन हिजो दिउँसो आइपुगेको र आजैदेखि परीक्षण सुरू गर्ने प्रदेश अस्पतालका मेसु डा। डम्बर खड्काले जानकारी दिए।

सुदूरपश्चिम प्रदेशमा मेसिन हिजै मात्र जोडेको हो र आजैदेखि परीक्षण सुरू भएको सामाजिक विकास मन्त्री कृष्णराज सुवेदीले बताए।

योसँगै सबै प्रदेश ५ बाहेक सवै प्रदेशमा कोरोना परीक्षण सुरू भएको छ। अब प्रदेशहरूबाट जहाज र एम्बुलेन्समा स्वाब काठमाडौं पठाउनुपर्ने झन्झट टरेको छ।

प्रकाशित मिति: बिहीबार, चैत २०, २०७६ १५:०४

प्रतिक्रिया दिनुहोस्