कोरोना:नेपालगन्ज ४ का अध्यक्ष बेहनाद्वारा ३२५ बिपन्न परिवारलाई राहत सामाग्री सहयोग

समाचार

गृहपृष्ठ
समाचार
कोरोना:नेपालगन्ज ४ का अध्यक्ष बेहनाद्वारा ३२५ बिपन्न परिवारलाई राहत सामाग्री सहयोग

कोरोना:नेपालगन्ज ४ का अध्यक्ष बेहनाद्वारा ३२५ बिपन्न परिवारलाई राहत सामाग्री सहयोग

बिहीबार, चैत २०, २०७६ बागेश्वरी पोस्ट

नेपालगन्ज । नेपालगन्ज वडा नम्बर ४ का अध्यक्ष मो. सफिक बेहनाले एउटा मानवताको उदाहरण दिएका छन् ।

अध्यक्ष बेहनाले लकडाउनमा वडाका बिपन्न तथा मजदुरी गर्ने समुदायका ३२५ घरधुरीलाई ५ दिनको अन्तरालमा आफ्नो ब्यक्तिगत खर्चमा ३ लाख बढीको खाद्यान्न सामाग्री सहयोग गरेका छन् ।

सरकारले गरेको लकडाउनको पालना गर्दै आइरहेका त्यस्ता समुदायका ब्यक्तिहरुलाई दैनिक छाक टार्न मुस्किल परिरहेको बेला अध्यक्ष बेहनाले आफ्नो ब्यक्तिगत खर्चमा प्रतेक परिवार बराबर १० किलो चामल, अरहरको दाल, नुन र तेलको बोतल दिएर सहयोग गरेका छन् ।

लकडाउनमा मजदुरी गर्ने बिपन्न परिवार काम गर्नबाट बन्चित रहेको समयमा उनीहरुलाई एक हप्तालाई पुग्ने रासन दिएको अध्यक्ष बेहनाले बताए। कोरोना जस्तो महामारी फैलिएको अवस्थामा मजदुरी गर्ने समुदायकालाई भोकै बस्ने बाध्यता नहोस् भन्ने सोचका साथ मैले आफ्नो ब्यक्तिगत रुपबाट सहयोग गरेको छु।

एक हप्ता पुग्ने रासन सामाग्री पाए पश्चात् बिपन्न समुदायका ब्यक्तिहरुले यस्तो विषम परिस्थितिमा अध्यक्ष बेहनाले मानबताको नाताले यत्रो ठुलो सहयोग गर्दा आफ्नो परिवार अब भोकै नमर्ने बताएका छन् ।

त्यस्तै खाद्यान्न सामाग्री पाएका सबैजनाले अध्यक्ष बेहनालाई हृदयदेखि धन्यवाद दिएका थिए। केही दिन अघिमात्र एक बिराटनगरकी नेपालगन्जमा रिक्सा चलाउने करुणा राई नाम गरेकी महिलाले आपतकालीन समयमा अध्यक्ष बेहनाबाट सहयोग पाउदाको समयमा अध्यक्षसामु रोएको भिडिओले देशभरनै अध्यक्ष बेहनाको चर्चा बटुलेको छ।

काठमाडौंबाट प्रशारित हाम्राकुराडटकममा आएको उक्त भिडिओ १० लाख बढीले हेरिसकेका छन् ।

अध्यक्ष बेहनाले लकडाउन पुन: लम्बिएकाले वडा नम्बर ४ को तर्फबाट पनि राहत सामाग्री सहयोग गर्ने जानकारी दिएका छन् ।यसका लागि आज मजदुरी गर्ने तथा बिपन्न बर्गको डाटा संकलन कार्य सकिएकाले २ दिन भित्र राहत वितरण आफुले गरिने अध्यक्ष बेहनाले बताए।

प्रकाशित मिति: बिहीबार, चैत २०, २०७६ २०:२०

प्रतिक्रिया दिनुहोस्