डुडुवा गाउँपालिकाले घर घरमा साबुन र मास्क वितरण शुरु गर्‍यो

समाचार

गृहपृष्ठ
समाचार
डुडुवा गाउँपालिकाले घर घरमा साबुन र मास्क वितरण शुरु गर्‍यो

डुडुवा गाउँपालिकाले घर घरमा साबुन र मास्क वितरण शुरु गर्‍यो

शुक्रबार, चैत २१, २०७६ बागेश्वरी पोस्ट

डुडुवा (बाँके) । कोरोना भाइरसको संक्रमणको जोखिमबाट बच्नका लागि डुडुवा गाउँपालिकाले घर घरमा साबुन र मास्क वितरण शुरु गरेको छ ।

गाउँपालिकाको वडा नम्बर १ देखि ६ नम्बर वडाका झण्डै १० हजार घरधुरीलाई महामारीको संक्रमणबाट जोगिन सरसफाईमा विशेष ध्यान दिने उद्देश्यले साबुन र मास्क वितरण शुरु गरिएको गाउँपालिकाका अध्यक्ष नरेन्द्रकुमार चौधरीले बताउनुभयो ।

उहाँका अनुसार गाउँपालिकामा अति गरिब तथा विपन्न परिवारसंगै मधेशी समुदायको बाहुल्यता बढी भएकाले नागरिकहरुले सरसफाईमा विशेष ध्यान दिन र मास्कको प्रयोगको बानी बसाल्नका लागि साबुन र मास्क वितरण शुरु गरिएको हो । प्रत्येक घरधुरीलाई दुई वटा साबुन र ४ वटा मास्क वितरण गरी स्वास्थ्य सचेतना र परामर्श दिने प्रमुख प्रशासकीय अधिकृत पर्शुराम उपाध्यायले बताउनुभयो ।

उहाँका अनुसार त्यसका लागि ३–३ जनाको १८ समूह बनाई ५४ जनालाई परिचालन गरिएको छ । अभाव हुने स्थानमा सामग्री ओसारपोसारका लागि थप ६ जनालाई तयारी अवस्थामा राखिएको छ । समुदायमा परिचालित समुहलाई विशेष सर्तकताका साथ ह्याण्डवास, सेनीटाइजर, मास्क, ग्लोब्स सहितको सामग्री प्रदान गरिएको छ । टोलीले समुदायका हरेक घर घरमा गएर रोगको संक्रमण, सरसफाईका बारेमा जानकारी, लकडाउनको पूर्ण पालना गराउनुका साथै नागरिकका गुनासा र सुझाव समेत संकलन गर्नेछ ।

वडा नम्बर १ होलियामा टोलीलाई आज सामग्री हस्तान्तरण गर्दै गाउँपालिकाका अध्यक्ष चौधरीले अहिलेको महासंकटका बेला नागरिकहरुले उच्च सतर्कता अपनाई स्वास्थ्य सरसफाईमा विशेष ध्यान दिनुपर्नेमा जोड दिँदै सरकारले गरेको लकडाउनको पूर्ण पालना गर्न अत्यावश्यक काम बाहेक घर बाहिर ननिस्कन आग्रह गर्नुभयो ।

सो अवसरमा प्रमुख प्रशासकिय अधिकृत उपाध्याय, बेतहनी स्वास्थ्य चौकी इन्चार्ज हेमन्त शर्माले कोरोनाको संक्रमणका बारेमा बोल्नु भएको थियो । यसैबीच गाउँपालिका अन्तर्गत् निर्माण गरिएको ११ बेडको क्वारेन्टाइन र औषधि भण्डारण गरिएको स्टोरको समेत अनुगमन गरिएको थियो ।

प्रकाशित मिति: शुक्रबार, चैत २१, २०७६ १६:०५

प्रतिक्रिया दिनुहोस्