नेपालगन्जको वडा नं २२ को किङ्गरियनपुर्वामा ३०० जनालाई राहत वितरण,सामाजिक दुरी कायम

समाचार

गृहपृष्ठ
समाचार
नेपालगन्जको वडा नं २२ को किङ्गरियनपुर्वामा ३०० जनालाई राहत वितरण,सामाजिक दुरी कायम

नेपालगन्जको वडा नं २२ को किङ्गरियनपुर्वामा ३०० जनालाई राहत वितरण,सामाजिक दुरी कायम

शनिबार, चैत २२, २०७६ बागेश्वरी पोस्ट

नेपालगञ्ज। नेपालगञ्ज उप महानगरपालिका वडा नं. २२, पुरैनीलेआज पहिलो चरणमा किङ्गरियनपुर्वा बस्तीका अति विपन्न तथा दैनिक ज्यालामजदुरी गरी खाने ३०० व्यक्तिहरुलाई राहत सामग्री वितरण गरिएको छ ।

नोभेल कोरोना भाइरसको संक्रमित नेपालमा भेटिएसँगै सरकारले गरेको लकडाउनको कारण ज्यालामज्जदुरी गरी खाने परिवारमा समस्या उत्पन्न भएपछि आज वडा कार्यालयले नगरकार्यपालिकाको निर्णय अनुसार चामल १५ केजी, दाल २ केजी, पिठो ५ केजी, तेल १ लिटर, नुन १ प्याकेट, आलु ५ केजी र हात धुने साबुन सहितको राहत प्याकेज वितरण गरिएको हो ।

नेपालमा नै अति पिपिन्न बस्तीहरुको रुपमा परिचित किङ्गरियनपुर्वा बस्तीका अति विपिन्न तथा दैनिक ज्यालामजदुरी गरी खाने समस्यामा रहेका परिवारलाई २२ नं. वडा अध्यक्ष बिद्याराम बर्मा, नेपाल रेडक्रस सोसाइटी प्रदेश नं. ५ का कोषाध्यक्ष राज कुमार बर्मा, नेपाल रेडक्रस सोसाइटी पुरैनी उपशाखाका सभापति फन बहादुर गुरुङ्ग, उपसभापति मो. फारुक हल्वाई, सचिव शिव कुमार बर्मा, सदस्य धनराज बर्मा, खगेश्वरी रावत, युवा क्लबका अनुज बर्मा, वडा सदस्यहरु राजीया बेगम किङ्गरिया, सुरसति धोबी, भर्री कुर्मी लगायतकोले राहत वितरण गर्नु वडा सचिव भुबिन्द्र प्रसाद कँडेलले जानकारी दिनुभएको छ ।

वडा कार्यालयले राहत वितरण कार्यमा सामाजिक दुरीको पुर्णरुपमा व्यवस्थापन गरिएको थियो । राहत बुझन आएका व्यक्तिहरुलाई सामाजिक दुरी कायम गर्नका लागि २÷२ मिटरको दुरीमा घेरा बनाइएको थियो भने वितरण स्थलमा हात धुने व्यवस्था समेत गरिएको थियो ।

वितरण कार्यमा नेपाल रेडक्रस सोसाइटी पुरैनी उपशाखाले स्वयमसेवी र नेपालगञ्ज वडा प्रहरी कार्यालयले सुरक्षा व्यवस्थापनमा सहयोग गरेको थियो । राहत वितरणमा वडाका सुब्बा ओम प्रकाश शाह र लेखापाल हिरा सिंह डाङ्गीको उपस्थिती रहेको थियो । वडामा भएको राहत वितरणले परिवारमा खाद्यान्नको समस्या समाधान भएकोमा राहत प्राप्त गरेका व्यक्तिहरुले धन्यवाद व्यक्त गरिरहेका थिए ।

प्रकाशित मिति: शनिबार, चैत २२, २०७६ १९:०४

प्रतिक्रिया दिनुहोस्