बिएसएफले दियो नेपालगञ्ज मेडिकल कलेजलाई पिपिई

समाचार

गृहपृष्ठ
समाचार
बिएसएफले दियो नेपालगञ्ज मेडिकल कलेजलाई पिपिई

बिएसएफले दियो नेपालगञ्ज मेडिकल कलेजलाई पिपिई

शनिबार, चैत २२, २०७६ बागेश्वरी पोस्ट

नेपालगञ्ज । न्यूरो सर्जन डाक्टरहरुको संस्था बिएसएफ नेपालले नेपालगञ्ज मेडिकल कलेज शिक्षण अस्पताल नेपालगञ्जलाई पर्सनल प्रोटेक्टिभ इक्विपमेन्ट (पिपिई) उपलब्ध गराएको छ ।

विएसएफ नेपालले पोखराबाट पठाएको ९ थान पिपिई नेपालगञ्ज मेडिकल कलेजलाई आज प्रदान गरिएको हो । फिजिसियन डा. सुभाष योगीले नेपालगञ्ज मेडिकल कलेज शिक्षण अस्पताल नेपालगञ्जका उपनिर्देशक डा. कुमार पोखरेललाई पिपिई हस्तान्तरण गर्नुभएको हो ।

विएसएफ नेपालका उपाध्यक्ष एवम् बरिष्ठ न्यूरो सर्जन डा. निकुञ्ज योगीले कोरोना भाइरस रोकथाममा सहयोग गर्ने उद्देश्यले निःशुल्क पिपिई वितरण गरिएको जानकारी दिनुभयो ।

मेडिकल कलेजका चिकित्सकलाई उपचारका क्रममा प्रयोग गर्न सघाउने उद्देश्यले पिपिई प्रदान गरिएको फिजिसियन डा. योगीले जानकारी दिनुभयो । विएसएफ नेपालले मणिपाल शिक्षण अस्पताल पोखरा, मेट्रो सिटी हस्पिटल र गण्डकी मेडिकल कलेजलाई गरी ८० थान पिपिई निःशुल्क वितरण गरिसकेको संस्थाका उपाध्यक्ष डा. योगीले जानकारी दिनुभयो ।

उहाँले काठमाण्डौमा सहकर्मी डा. रचना नकर्मीले तयार पारेर पठाउने र पोखरामा विएसएफ नेपालका अध्यक्ष डा. बालगोपाल कर्माचार्य सहितको टिमले व्यवस्थापन गरी विभिन्न ठाउँमा निःशुल्क स्वास्थ्य सामाग्री वितरण गरेको बताउनुभयो । संस्थाले प्रहरीहरुलाई पनि २ सय ५० थान मास्क समेत वितरण गरेको छ ।

प्रकाशित मिति: शनिबार, चैत २२, २०७६ १९:२०

प्रतिक्रिया दिनुहोस्