बैजनाथ गाउँपालिकाको वडा नं६ मा सामाजिक अभियन्ताले बाँडे राहत

समाचार

गृहपृष्ठ
समाचार
बैजनाथ गाउँपालिकाको वडा नं६ मा सामाजिक अभियन्ताले बाँडे राहत

बैजनाथ गाउँपालिकाको वडा नं६ मा सामाजिक अभियन्ताले बाँडे राहत

गाउँपलालिकाले राहत बाड्दा असहयोग गर्यो: खड्का

शनिबार, चैत २२, २०७६ बागेश्वरी पोस्ट

नेपालगन्ज । अहिले बिश्व कोरोना भाइरस महामारीबाट ग्रसित छ। बिश्वभर नै लकडाउन भएको छ।

त्यस्तै कोरोना भाइरस संक्रमण फैलिन नदिन नेपाल सरकारले पनि लकडाउन गर्दै आएको छ। नेपालमा लकडाउनमा लकडाउन ज्याला, मजदुरी गरेर परिवार पाल्दै आएका र बिपन्न परिवारलाई भोकबाट बचाउन राहत सहयोग गरिदै छ।

लकडाउमा बाँकेको बैजनाथ गाउँपालिकाको वडा नम्बर ६ मा सम्झना बजार, लालपुर, एच गाउँ तथा वडा कै स्थानीय युवाहरुको सहयोगमा बिपन्न तथा मजदुरी गर्ने बर्गका परिवारहरुको पहिचान गरि ८० घरधुरीलाई राहत स्वरुप खाधान्न सहयोग गरिएको छ।

यस्तो बिषम परिस्थितिमा मजदुरी गर्ने र बिपन्न बर्गलाई सहयोग मनसायले वडाकै स्थानीय युवाहरुले राहत सहयोग गर्ने भनेर पैसा उठाएर प्रती घर २५ किलो चामल, २ किलो दाल, एक प्याकेट र एक लिटर तेल जस्ता खाध्य सामाग्री किनेर आजै वितरण गरेको बैजनाथका सामाजिक अभियन्ता तेजराज खड्काले बताए।

आज राहत वितरणको क्रममा भने गाउँपालिकाले भने असहयोग गरेको खड्काले भने। गाउँपालिकाले आफुहरुले लालपुरमा राहत वितरण गर्दा प्रहरी लगाएर राहत बाड्न बाट रोकेको सामाजिक अभियन्ता डम्बर रावतले बताए।

गाउँपालिकाले छानेका बिपन्न परिवारलाई राहत बाड्न भनेपछि समस्या भएको रावतले भने। गाउँपालिकाले राहत बाड्न रोकेपनि बाकी बचेको राहत मानखोला, एच गाउँ र पार्वती टोलमा गएर वितरण गरेको खड्काले बताए।यस्तो जटिल समयमा आफैले किनेर राहत बाड्दा पनि गाउँपालिकाको हस्तछेपले गर्दा सबै दुखी बनेको सहयोगीदाताहरुले बताएका छन् ।

प्रकाशित मिति: शनिबार, चैत २२, २०७६ २२:५७

प्रतिक्रिया दिनुहोस्