राप्तीसोनारी गाउँपालिकामा भारतबाट आएका १५ जना क्वारेन्टाइनमा

समाचार

गृहपृष्ठ
समाचार
राप्तीसोनारी गाउँपालिकामा भारतबाट आएका १५ जना क्वारेन्टाइनमा

राप्तीसोनारी गाउँपालिकामा भारतबाट आएका १५ जना क्वारेन्टाइनमा

मंगलबार, चैत २५, २०७६ बागेश्वरी पोस्ट

राप्तीसोनारी(बाँके )। बाँकेको राप्तीसोनारी गाउँपालिकामा भारतबाट आएकाहरुहरुलाई धमाधम क्वारेन्टाइनमा राख्न सुरु गरिएको छ।

बाँके र भारतको सिमा नाका सिल भएका कारण चोर बाटो हुँदै आएकाहरुलाई अस्थायी क्वारेन्टाइनमा राखिएको गाउँपालिकाका प्रमुख प्रशासकीय अधिकृत दल बहादुर बस्नेतले बताए।

अहिले बिदेश लगायत छिमेकी मुकुक भारतबाट आएकाहरुको समेत खोजी कार्य जारी रहेको बस्नेतले भने। गाउँपालिकाको वडा नम्बर ३ खैरेनीमा रहेको क्वारेन्टाइनमा चोर बाटो हुँदै भारतबाट आएका वडा नम्बर १,३,४ र वडा नम्बर ५ का गरि १५ जनालाई क्वारेन्टाइनमा राखिएको र अरुको समेत व्यापक खोजी सुरु गरिएको छ।

क्वारेन्टाइनमा बसेकाहरुलाई सबै अत्यावश्यक सामाग्रीहरुको समेत ब्यबस्थापन गरिएको र स्वास्थ्यकर्मीहरु उनीहरुको स्वास्थ जाँच गरिरहेको प्रमुख प्रशासकीय अधिकृत बस्नेतले जानकारी दिएका छन् ।

कोरोना जस्तो महामारीबाट गाउँपालिकाले कुनै कसर बाकी नराख्ने र सरकार बढाएको लकडाउनको पालना गर्न सबैलाई आग्रह समेत गरेको छ।

गाउँपालिकाले लकडाउनमा ज्याला मजदुरी गर्ने तथा बिपन्न परिवारलाई राहत सामाग्री वितरणका प्रतेक वडाले डाटा संकलन कार्य गरिरहेको र सबै नामावली आएपश्चात् राहत वितरण गर्ने बस्नेतले बताए।

प्रकाशित मिति: मंगलबार, चैत २५, २०७६ ०५:४०

प्रतिक्रिया दिनुहोस्