नेपालगन्जको वडा नं १३ मा बिपन्न परिवारलाई राहत वितरण कार्य सकियो

समाचार

गृहपृष्ठ
समाचार
नेपालगन्जको वडा नं १३ मा बिपन्न परिवारलाई राहत वितरण कार्य सकियो

नेपालगन्जको वडा नं १३ मा बिपन्न परिवारलाई राहत वितरण कार्य सकियो

मंगलबार, चैत २५, २०७६ बागेश्वरी पोस्ट

नेपालगन्ज। नेपालगन्जको वडा नम्बर १३ ले सरकारले कोरोना संक्रमण रोक्न गरेको लकडाउनमा वडामा रहेका ४०० बिपन्न परिवारलाई राहत सामाग्री वितरण गरेको छ।

वडा नम्बर १३ ले बिपन्न परिवारको घरधुरी पहिचान गरि २० गतेदेखि सुरु गरेको राहत वितरण कार्य सकिएको वडा अध्यक्ष बिरेन्द्र बहादुर शाहले जानकारी दिनुभएको छ।

वडा कार्यालयले ४ सय घरधुरीमा रहेका बिपन्न परिवारलाई राहत स्वरुप १५ किलो चामल, २ किलो दाल, ५ किलो आलु, एक बोरी पिठो, एक लिटर तेल, एक प्याकेट नुन र साबुन वितरण गरिएको अध्यक्ष शाहले बताउनुभयो।

अध्यक्ष शाहसहित सबै जनप्रतिनिधिर कर्मचारीहरुले दैनिक मजदुरी गरेर परिवार पाल्दै आएका एबम बिपन्न परिवारहरुको लागि उनीहरुको घरमै गएर राहत सामाग्री वितरण गरेको हो। त्यस्तै केही छुटफुट भएको खण्डमा आजनै सहयोग अध्यक्ष शाहले बताउनुभयो।

आज वडा नम्बर १३ का अध्यक्ष बिरेन्द्र बहादुर शाहको जन्मदिन परेकाले उहाँलाई यस मिडियाको तर्फबाट जन्मदिनको हार्दिक शुभकामना ।