एसविआई बैंकले दियो खजुरा गाउँपालिकालाई स्वास्थ्य सामग्री

समाचार

गृहपृष्ठ
समाचार
एसविआई बैंकले दियो खजुरा गाउँपालिकालाई स्वास्थ्य सामग्री

एसविआई बैंकले दियो खजुरा गाउँपालिकालाई स्वास्थ्य सामग्री

मंगलबार, चैत २५, २०७६ बागेश्वरी पोस्ट

खजुरा । नेपाल एसविआई बैंक लिमिटेडले खजुरा गाउँपालिकालाई आज स्वास्थ्य सामग्री हस्तान्तरण गरेको छ ।

पिपिई तीन थान, सेनीटाइजर, साबुन, ह्याण्डवास, सर्जिकल मास्क र गन थर्मोमिटर गरी करिब ८२ हजार बराबरका सामग्री गाउँपालिकालाई हस्तान्तरण गरेको हो ।

खजुरा गाउँपालिका कार्यालयमै पुगेर बैंकका प्रदेश नम्बर ५ प्रमुख डिकेन्द्र खड्का, कोहलपुर शाखा प्रमुख नवराज जोशी र बैंकका प्रदेश कर्मचारी जीवराज भण्डारी सहितको टोलीले उक्त स्वास्थ्य सामग्री हस्तान्तरण गरेको हो ।

खजुरा गाउँपालिकाका अध्यक्ष किष्मत कुमार कक्षपति, प्रमुख प्रशासकीय अधिकृत बम बहादुर केसी, स्वास्थ्य शाखा प्रमुख पुर्ण बहादुर खड्का, नर्सिङ्ग निरिक्षक लक्ष्मी केसीले सामग्री बुझ्दै कोरोना संक्रमितबाट बच्नका लागि केही हदसम्म सहयोग पुग्ने विश्वास व्यक्त गर्नुभयो ।

प्रकाशित मिति: मंगलबार, चैत २५, २०७६ १३:५१

प्रतिक्रिया दिनुहोस्