स्वास्थ्य राज्यमन्त्रीद्वारा नेपालगञ्ज दशगजा क्वारेन्टाइनको अनुगमन

समाचार

गृहपृष्ठ
समाचार
स्वास्थ्य राज्यमन्त्रीद्वारा नेपालगञ्ज दशगजा क्वारेन्टाइनको अनुगमन

स्वास्थ्य राज्यमन्त्रीद्वारा नेपालगञ्ज दशगजा क्वारेन्टाइनको अनुगमन

मंगलबार, चैत २५, २०७६ बागेश्वरी पोस्ट

नेपालगञ्ज । नेपालगञ्जको दशगजामा रहेको क्वारेन्टाइनको आज स्वास्थ्य तथा जनसंख्या राज्यमन्त्री नवराज रावतले अनुगमन गर्नुभएको छ ।

उहाँले नेपालगञ्जको जयसपुरस्थित दशगजा क्षेत्रमा रहेको क्वारेन्टाइन र त्यहाँ बसिरहेका व्यक्तिहरुको अवस्थाबारे अनुगमन गर्नुभएको हो । त्यस क्रममा उहाँले (कोभिड-१९) कोरोना भाइरस नेपालमा पनि दोस्रो चरणमा प्रवेश गरिसकेकाले अझैं सजकताका साथ क्वारेन्टाइनमा तोकिएको मापदण्ड अनुसार बसी सहयोग गर्न आग्रह गर्नुभयो ।

नियमित स्वास्थ्य जाँच, अत्यावश्यक सामग्रीको उपलब्धता र सरसफाईमा बिशेष ध्यान दिन मन्त्री रावतले निर्देशन समेत दिनुभयो ।

दशगजाको क्वारेन्टाइनमा १ सय ८१ नेपाली छन् । स्वास्थ्य राज्यमन्त्री रावतले लकडाउन अवधिभर घरभित्रै बसेर सरकारलाई सहयोग गर्न सबैलाई आह्वान समेत गर्नुभयो ।

प्रकाशित मिति: मंगलबार, चैत २५, २०७६ १४:००

प्रतिक्रिया दिनुहोस्