खजुरा गाउँपालिकामा राहत बाँड्न शुरु

समाचार

गृहपृष्ठ
समाचार
खजुरा गाउँपालिकामा राहत बाँड्न शुरु

खजुरा गाउँपालिकामा राहत बाँड्न शुरु

मंगलबार, चैत २५, २०७६ बागेश्वरी पोस्ट

खजुरा(बाँके )। बाँकेको खजुरा गाउँपालिकाले लकडाउनको कारण दैनिक चुलो बाल्न नसक्नेहरुका लागि राहत वितरण सुरु गरेको छ ।

गाउँपालिकाद्वारा वितरण गरिने २५ किलो चामल, २ किलो दाल, १ किलो नुन, १ लिटर तेल सहित वडा वडामा राहत सामग्री पठाउन थालिएको छ। खजुरा गाउँपालिकामा वडा नम्बर १ देखि ८ सम्मका अति विपन्न, विपन्नहरुलाई राहत वितरण दिन सुरु गरिएको हो ।

१६ सय ९८ जना परिवारलाई राहत वितरण गरिने कार्यक्रम अन्तरगत् आज खजुरा गाउँपालिकाले वडास्तरबाट वितरण सुरु गरेको हो । ३, ४, ५ वडामा राहत पठाइसकिएको खजुरा गाउँपालिकाका सूचना अधिकारी दिल बहादुर पौडेलले जानकारी दिनुभयो ।

यसरी हरेक वडामा पठाइने राहत सामग्रीलाई वडा कार्यालयले छनोट गरेको घर परिवारलाई वितरण गरिने गरी प्रक्रिया मिलाइएको खजुरा गाउँपालिकाका प्रमुख किष्मत कुमार कक्षपतिले बताउनुभयो । उहाँका अनुसार यसरी राहत वितरण गर्दा सामाजिक दुरी कायम गर्दे एक पटकमा १० परिवारलाई वितरण गरिने गरी व्यवस्था मिलाइएको बताउनुभयो ।

गाउँपालिकाका प्रमुख प्रशासकिय अधिकृत बम बहादुर केसीका अनुसार राहत वितरणका लागि यसअघि नै राहत वितरण मापदण्ड पारित गरेको बताउनुभयो ।

प्रकाशित मिति: मंगलबार, चैत २५, २०७६ १५:४५

प्रतिक्रिया दिनुहोस्