नेपालगञ्जमा अब कोरोना परिक्षण शुरु हुने पक्का

समाचार

गृहपृष्ठ
समाचार
नेपालगञ्जमा अब कोरोना परिक्षण शुरु हुने पक्का

नेपालगञ्जमा अब कोरोना परिक्षण शुरु हुने पक्का

मंगलबार, चैत २५, २०७६ बागेश्वरी पोस्ट

नेपालगञ्ज । नेपालगञ्जमा अब कोरोना भाइरसको परिक्षण शुरु हुने पक्का भएको छ ।

आज भेरी अस्पतालमा कोरोना भाइरस परिक्षण गर्न पिसिआर मेसिन आएपछि नेपालगञ्जमै परिक्षण हुने पक्का भएको हो । नेपालगञ्ज आइपुगेको मेसिनलाई तत्काल नै जडान गर्ने तयारी गरिएको मेडिकल सुपरिटेण्डेण्ट डा.प्रकाश थापाले बताउनुभयो ।

बुटवलबाट एक जना प्राविधिकलाई मेसिन चलाउन सिकाउनका लागि झिकाइएको छ । राम्रो खालको मेसिन भएकाले एक दिनमा एक सय जना सम्मको नमुना परिक्षण गर्न सकिने अस्पतालले जनाएको छ ।

बाँकेमा अहिलेसम्म ३१ जनाको मात्र नमुना परिक्षण भएको छ भने २३ जनाको नमुना परिक्षणका लागि काठमाण्डौ पठाइएको छ । यहाँका क्वारेन्टाइनमा ४ सय २७ जना छन् ।

प्रकाशित मिति: मंगलबार, चैत २५, २०७६ १६:२९

प्रतिक्रिया दिनुहोस्