कोरोना भाइरसबाट बिश्वभर मृत्यु हुनेको संख्या ८२ हजार पुग्यो

समाचार

गृहपृष्ठ
समाचार
कोरोना भाइरसबाट बिश्वभर मृत्यु हुनेको संख्या ८२ हजार पुग्यो

कोरोना भाइरसबाट बिश्वभर मृत्यु हुनेको संख्या ८२ हजार पुग्यो

बुधबार, चैत २६, २०७६ बागेश्वरी पोस्ट

फाइल तस्बिर

काठमाडौं । कोरोना भाइरस अहिले बिश्वमा महामारीको रुपमा फैलिएको छ। कोरिनाका कारण विश्वभर मृत्यु हुनेको संख्या ८२ हजार १९ पुगेको छ ।

जोन हप्किन्स विश्वविद्यालयका अनुसार संक्रमितको संख्या १४ लाख २८ हजार ४ सय २८ पुगेको छ । त्यस्तै तीन लाख एक सय ९८ जना निको भएका छन् । मृत्यु हुनेमा सबैभन्दा धेरै इटलीका रहेका छन् । यहाँ मृतक संख्या १७ हजार एक सय १७ पुगेको छ ।

यहाँ संक्रमितको संख्या एक लाख ३५ हजार पाँच सय ८६ पुगेको छ । स्पेनमा मृतक संख्या १४ हजार ४५ र संक्रमितको संख्या एक लाख ४१ हजार नौ सय ४२ पुगेको छ ।संयुक्त राज्य अमेरिकामा मृतक संख्या १२ हजार ८ सय ४४ पुगेको छ भने संक्रमितको संख्या ३ लाख ९८ हजार एक सय ८५ पुगेको छ ।

न्युयोर्कमा मात्र मृतक संख्या पाँच हजार पुगेको छ । यहाँ मंगलबार एकै दिन ७ सय ३१ जनाको मृत्यु भएको छ । गभर्नर एन्ड्रयु कुमोकाअनुसार मंगलबारसम्म न्युयोर्कमा मृत्यु हुनेको संख्या पाँच हजार चार सय ८९ पुगेको छ ।

संक्रमितको संख्या भने एक लाख ३८ हजार आठ सय ३६ पुगेको छ । फ्रान्समा मृतक संख्या १० हजार ३ सय २८ पुगेको छ भने संक्रमितको संख्या एक लाख १० हजार ७० पुगेको छ ।

स्वास्थ्य मन्त्रालयले आफ्नो दैनिक प्रेस ब्रिफिङमा बताएअनुसार सात हजार ९१ जनाको अस्पतालमा र तीन हजार दुई सय ३७ जनाको केयर हाउसमा मृत्यु भएको हो ।कोरोनाबाट बच्न अहिले बिश्वनै लकडाउनको अवस्थामा छ।

प्रकाशित मिति: बुधबार, चैत २६, २०७६ ०८:३१

प्रतिक्रिया दिनुहोस्