ड्युटीमा नआएका लुम्बिनी प्रादेशिक अस्पतालका ५ जना चिकित्सक बर्खास्त

समाचार

गृहपृष्ठ
समाचार
ड्युटीमा नआएका लुम्बिनी प्रादेशिक अस्पतालका ५ जना चिकित्सक बर्खास्त

ड्युटीमा नआएका लुम्बिनी प्रादेशिक अस्पतालका ५ जना चिकित्सक बर्खास्त

बुधबार, चैत २६, २०७६ बागेश्वरी पोस्ट

बुटवल । लुम्बिनी प्रादेशिक अस्पतालमा कार्यरत ५ जना चिकित्सकहरुलाई बर्खास्त गरिएको छ। अहिले कोरोना महामारीको संक्रमण रोकथाम र उपचारमा खटिनुपर्ने कठिन परिस्थितिमा ड्युटीमा नआएको भन्दै उनीहरुलाई बर्खास्त गरिएको छ ।

अस्पतालको रेडियोलोजी विभागमा कार्यरत डा. बरदान वली र डा. ताराप्रसाद शर्मा, ईएनटी विभागका डा. प्रकाश न्यौपाने, युरोसर्जन डा. सुवासचन्द्र चौधरी र आकस्मिक विभागमा कार्यरत डा. प्रकृती कार्कीलाई सेवाबाट हटाइएको हो।‘

अस्पताल प्रशासनलाई जानकारी नदिई ड्युटीमा हाजिर हुनुभएको थिएन,’ अस्पतालका मेडिकल सुपरिटेन्डेन्ट राजेन्द्र खनालले भने, ‘सामाजिक विकास मन्त्री सुदर्शन बराल ज्यूले तत्काल बर्खास्त गर्न निर्देशन दिनुभयो ।’

हटाइएका चिकित्सकहरु करारमा नियुक्त भएका थिए । सामाजिक विकास मन्त्री बरालले सिंगो मुलुक कोरोना भाइरस संक्रमणको महामारीको संकटमा परेका बेला अग्रमोर्चामा खटिएर विरामीलाई उपचार गर्नुपर्ने दायित्वबाट पन्छिनु गम्भीर गल्ती हुने भन्दै सेवामा नखटिने चिकित्सकहरुलाई कारवाही गर्न निर्देशन दिएको स्वीकार गरे ।

‘सुत्केरी, काजकिरिया, विरामी बाहेकका विदा स्वीकृत नगर्न र विना जानकारी सेवामा अनुपस्थित हुने चिकित्सक तथा कर्मचारीहरुलाई हटाउन निर्देशन दिएको छु’, मन्त्री बरालले भने, ‘सबै अस्पतालबाट दैनिक हाजिरी मगाएर हेरिएको छ, अनुपस्थित हुनेलाई एकपटक स्पष्टीकरण सोधिन्छ र चित्तबुझ्दो जवाफ नआए बर्खास्त गरिन्छ ।’

यस्तै यता लुम्विनी प्रादेशिक अस्पतालवाट दैनिक कार्यमा नआएको भन्दै सेवाबाट हटाइएका चिकित्सकहरुले कारोना भाइरस (कोभिड–१९)को यस्तो महामारीमा स्वास्थ्यकर्मीहरुका लागि कुनै सावधानी नअपनाईएको र डाक्टरहरुले लगाउने (पीपीई) जस्ता सामाग्री नभएका कारण आफुहरु काममा नगएको बताएका छन् ।

प्रकाशित मिति: बुधबार, चैत २६, २०७६ १५:२२

प्रतिक्रिया दिनुहोस्