नरैनापुरका बिपन्न परिवारलाई सहयोग गर्न मनकारी सहयोगी थपिँदै

समाचार

गृहपृष्ठ
समाचार
नरैनापुरका बिपन्न परिवारलाई सहयोग गर्न मनकारी सहयोगी थपिँदै

नरैनापुरका बिपन्न परिवारलाई सहयोग गर्न मनकारी सहयोगी थपिँदै

बुधबार, चैत २६, २०७६ बागेश्वरी पोस्ट

नरैनापुर (बाँके) । बाँकेको नरैनापुर गाउँपालिकामा मंगलवारदेखि राहत वितरण शुरु भएसंगै त्यस क्षेत्रमा ब्यक्तिगत तरिकाले सहयोग गर्ने मनकारी दाताहरु सहयोगका लागि अगाडि आउन थालेका छन् ।

गाउँपलिकामै बिभिन्न पदमा कार्यरत कर्मचारीदेखि लिएर अन्य स्वयम्सेवी दाताहरुले सहयोगका लागि हात अगाडि बढाएका छन् । गाउँपालिकामा गैरसंगठित श्रमिक, दैनिक ज्यालादारी गरेर जिविकोपार्जन गर्ने ब्यक्तिहरुदेखि लिएर गरिब, विपन्न र असहायहरुको संख्या धेरैै रहेकाले ती दाताहरुले गाउँपालिकासंगको सहकार्यमै हातोमालो गर्दै सहयोग गर्न आहवान गरेका हुन् ।

बिभिन्न सामाजिक संजाल र अनलाइन मिडियाहरुमा सहयोगको आवाज उजागर हुन थालेपछि शुरुमा नरैनापुर ४ जयरामपुर बस्ने महेन्द्र माबि मटेहिया बिद्यालय ब्यवस्थापन समितिका अध्यक्ष सुनैना मिश्राले २० बिपन्न परिवारलाई आफूले ब्यक्तिगत सहयोग गर्ने उद्घोष गर्नुभएको हो । अध्यक्ष मिश्र नरैनापुर गाउँपालिका वडा नम्बर १ र २ का वडा सचिव तथा गाउँपालिकाका सूचना अधिकारी पदमा कार्यरत लक्ष्मीकान्त मिश्रकी श्रीमती हुनुहुन्छ । अध्यक्ष मिश्राले २० जनालाई सहयोग गर्ने उद्घोष गरेसंगै सो अभियानमा अन्य ३ जना थपिएका छन् ।

मिश्र जस्तै नेराप्राबि जमुनहाका प्रधानाध्यापक सज्जाक खाँ, महेन्द्र माबि मटेहियाका लेखापाल शिव चरण यादव तथा गाउँपालिकाका लेखापाल प्रकाश अधिकारी समेत गरी ४ जनाले ब्यक्तिगत २०।२० जनालाई खाद्यान्न सामग्री सहयोग गर्ने उद्घोष गर्नुभएको छ । सहयोगी चारै जनाले गाउँपालिकाको मापदण्ड अनुसार एकद्वार प्रणाली अन्तर्गत् सहयोग उपलब्ध गराउने बताउनुभएको छ । यसअघि मंगलवारदेखि पालिकाका ६ वटै वडाका ८ सय जना श्रमिक र असहायहरुलाई राहत वितरण गरिरहेको गाउँपालिकाका सूचना अधिकारी मिश्रले बताउनुभयो ।

सहयोगी दाताहरुले यस अभियानमा स्वेच्छिकरुपले सहयोग गरी राहतमा योगदान पुर्याउन चाहनेहरुलाई अनुरोध गरेका छन् ।

प्रकाशित मिति: बुधबार, चैत २६, २०७६ २१:४२

प्रतिक्रिया दिनुहोस्