नेपाल प्रहरीमा अब १४ जना मात्रै डीआईजी कायम रहने

राजनीति

गृहपृष्ठ
राजनीति
नेपाल प्रहरीमा अब १४ जना मात्रै डीआईजी कायम रहने

नेपाल प्रहरीमा अब १४ जना मात्रै डीआईजी कायम रहने

बिहीबार, चैत २७, २०७६ बागेश्वरी पोस्ट

काठमाडौँ । सरकारले पद खाली भएको २ महिनासम्म बढुवा रोकेर नेपाल प्रहरीमा १२ जना डीआईजीको दरबन्दी कटौती गरेको छ ।

२०७६ माघ २९ गतेदेखि खाली रहेका २२ डीआईजीमा बढुवा नगरी २ महिना पछि १२ वटा पद कटौती गरेको छ । सोमबार बसेको मन्त्रिपरिषद् बैठकले डीआईजीको दरबन्दी १४ कायम गरेको हो ।

साधारण सेवातर्फ प्रहरीमा २६ जना डीआईजीको दरवन्दी थियो । मन्त्रिपरिषद बैठकमा संख्या घटाउने प्रस्ताव प्र्धानमन्त्रीले नै गरेका थिए । त्यसमा गृहमन्त्री रामबहादुर थापाले असन्तुष्टि जनाएका थिए । गृहमन्त्री थापाले २६ बाट घटाएर १९ कायम गर्ने गरी मन्त्रिपरिषद् बैठकमा प्रस्ताव पेस गरेका थिए । तर गृहमन्त्री थापाको प्रस्तावभन्दा ५ कम गरेर निर्णय गरेको हो ।

‘पछि संगठन तथा व्यवस्थापन सर्वेक्षण (ओएण्डएम)मा भएबमोजिम हाललाई प्रहरीमा डीआईजीको संख्या १४ जना कायम गर्ने ।’ मन्त्रिपरिषदको निर्णयमा भनिएको छ । ‘मन्त्रिपरिषद्ले १४ जना डीआईजी कायम रहने गरी निर्णय गरेको छ निर्णय मन्त्रालयमा आइसकेको छ,’ गृह स्रोतले भने, ‘अब रिक्त दरबन्दीमा बढुवा सिफारिस अघि बढ्छ ।’

प्रहरीमा हाल ४ जना डीआईजीमात्रै कार्यरत छन् । माघ २८ गते एकैपटक २२ जना डीआईजीले अवकाश पाएपछि रिक्त स्थानमा बढुवा भएका थिए । रिक्तमध्ये अब १० वटामा मात्रै बढुवा हुने छ । पद कटौतीसँगै अब डीआईजीको दरबन्दी ७ वटा प्रदेश प्रहरी, महानगरीय प्रहरी कार्यालय, केन्द्रीय अनुसन्धान ब्युरो, लागूऔषध नियन्त्रण ब्युरो, प्रशासन तथा मानवस्रोत र अपराध तथा कार्य विभाग तथा प्रहरी प्रशिक्षण प्रतिष्ठानमा १/१ वटा हुने गरी व्यवस्थापन प्रक्रिया अघि बढाइएको गृह मन्त्रालय स्रोतले जानकारी दियो ।कान्तिपुरबाट

प्रकाशित मिति: बिहीबार, चैत २७, २०७६ १६:२५

प्रतिक्रिया दिनुहोस्